रत्नागिरी पोलीस दलाचा उपक्रम; सायबर सुरक्षा, अमली पदार्थ प्रतिबंध व स्वसंरक्षणाबाबत मार्गदर्शन
रत्नागिरी, ता. 22 : रत्नागिरी पोलीस दलाच्या ‘Mission Rising Flowers’ या उपक्रमांतर्गत मुकुल माधव विद्यालय आणि पटवर्धन हायस्कूल येथे विद्यार्थ्यांसाठी जनजागृतीपर मार्गदर्शन सत्राचे आयोजन करण्यात आले. Awareness through ‘Mission Rising Flowers’
पोलीस अधीक्षक नितीन बगाटे (भा.पो.से.) यांनी मुकुल माधव विद्यालयात विद्यार्थ्यांशी संवाद साधत सायबर सुरक्षा, मिशन फिनिक्स अंतर्गत अमली पदार्थांविरोधातील जनजागृती, वाहतूक शिस्त, गुड टच–बॅड टच, स्वसंरक्षण तसेच करिअरच्या विविध संधी याविषयी सादरीकरण केले. यावेळी विद्यार्थ्यांच्या शंकांचे निरसन करून त्यांना सुरक्षित, जबाबदार आणि जागरूक नागरिक बनण्यासाठी मार्गदर्शन करण्यात आले. Awareness through ‘Mission Rising Flowers’
दरम्यान, अपर पोलीस अधीक्षक बी. बी. महमुनी यांनी पटवर्धन हायस्कूल येथे विद्यार्थ्यांना याच विषयांवर मार्गदर्शन करत त्यांच्याशी संवाद साधला. ‘मिशन रायझिंग फ्लॉवर्स’ या उपक्रमाचा उद्देश विद्यार्थ्यांमध्ये सायबर सुरक्षितता, अमली पदार्थांविषयी जागरूकता, वाहतूक नियमांचे पालन, वैयक्तिक सुरक्षितता, स्वसंरक्षण आणि करिअर मार्गदर्शनाबाबत आत्मविश्वास निर्माण करून त्यांचे सुरक्षित, सशक्त आणि उज्ज्वल भविष्य घडविणे हा आहे. Awareness through ‘Mission Rising Flowers’
