कनिष्का बावधनकरची एनएमएमएस शिष्यवृत्तीसाठी निवड

गुहागर- येथील श्री देव गोपालकृष्ण विद्यामंदिर मधील कनिष्का बावधनकर हीची महाराष्ट्र राज्य परिषद पुणे यांच्या राष्ट्रीय आर्थिक दुर्बल घटक विद्यार्थी शिष्यवृत्ती योजनेसाठी निवड झाली आहे. या विद्यालयातील इयत्ता आठवीमधील 11 विद्यार्थी शिष्यवृत्ती पात्र परिक्षेला बसले होते. त्यापैकी 3 विद्यार्थी उत्तीर्ण झाले.  कनिष्का बावधनकर हिने 106 गुण संपादन करून 58.89 टक्के गुण मिळवत पात्रता यादीत प्रवेश मिळवला आहे. कनिष्काला या विद्यालयातील शिक्षक सौ.बाणे व सौ.भोसले व पालकांनी मार्गदर्शन केले. तर संस्थेचे अध्यक्ष महेश भोसले, सर्व संचालक, मुख्याध्यापक शिवाजी आडेकर, उप मुख्याध्यपक  सुधारक कांबळे, पर्यवेक्षक सोनाली हळदणकर,  शिक्षक व शिक्षकेतर कर्मचारी यांनी विशेष अभिनंदन केले. कनिष्काने यापूर्वी  पाचवीत शिष्यवृत्ती परीक्षेत व सातवीत शताब्दी परीक्षेत सुयश संपादन केले होते.