गणपती दर्शनाच्या निमित्ताने सभापती, उपसभापतींची भेट घेतल्याची चर्चा
गुहागर, ता. 23 : तालुक्यातील गोळवली येथील एका कार्यक्रमात गुहागर पंचायत समितीचे सभापती प्रणव पोळेकर यांनी पालकमंत्र्यांकडे आम्ही एमआयडीसीची मागणी केलेली असून या मागणीला त्यांनी सकारात्मक प्रतिसाद दिल्याचे जाहीर केल्याने गणेशोत्सवातील ही सुवार्ता जमीनमालक आणि दलालांनी सुखावून गेलेली दिसून येत आहे. Guhagar MIDC location in bouquet
या कार्यक्रमात सभापतींनी एमआयडीसीचे संकेत दिलेले असले तरी त्यांनी नेमकी कोणत्या ठिकाणी होणार हे गुलदस्त्यात ठेवल्याने काही ॲक्टीव्ह जमीनमालक, दलालांनी गणपती दर्शनाच्या निमित्ताने सभापती व उपसभापती यांच्या घरी जाऊन त्यांची भेट घेत निश्चित एमआयडीसीचे नेमके लोकेशन कुठले हे जाणून घेण्याचा प्रयत्न केला असल्याचे खात्रीलायक वृत्त आहे. Guhagar MIDC location in bouquet
गुहागर तालुक्यात एमआयडीसीचा विषय सध्या गाजत आहे. वास्तविक एमआयडीसी ही मार्गताम्हाने, गिमवी भागात प्रस्तावीत होती. मात्र, येथील शेतकऱ्यांचा विरोध व तसा पालकमंत्र्यांनी हवाला देत ती रद्दची घोषणा केली होती. त्यानंतर या विषयाला पूर्णविराम मिळाला होता. ऐन गणेशउत्सवात गोळवली येथील कार्यक्रमात गुहागर सभापती पोळेकर यांनी एमआयडीसी संदर्भात सुवार्ता दिली. येणाऱ्या पिढीसाठी कशा पद्धतीने रोजगाराच्या संधी उपलब्ध करून देता येतील यासाठी उद्योग मंत्री, पालकमंत्री उदय सामंत यांच्याकडे एमआयडीसी संदर्भात आम्ही मागणी केली आहे. या मागणीला पालकमंत्र्यांनी सकारात्मकता दाखवली असल्याचे पोळेकर यांनी सांगून यासाठी तीन ठिकाणच्या जागा आयडेंटिफाय झालेला आहेत. मात्र त्या जागेची नावे मी सांगत नाही. कारण जागांची नावे सांगितले की, त्या ठिकाणी दलालांची संख्या मोठ्या प्रमाणात वाढते. एखादी एमआयडीसी आणायची म्हटले तर त्या ठिकाणी दलाल मोठ्या प्रमाणात येतात आणि संबंधित शेतकऱ्यांना त्याचा फायदा होत नाही. त्यामुळे त्या जागांची ही आयडेंटिफाय झालेय, भविष्यात तरुणांना मुंबईच्या ठिकाणी नोकरीला जाव लागणार नाही. अशा पद्धतीची रणनीती आम्ही आखल्याचे खात्रीलायक आश्वासन दिल्याने अनेक ॲक्टीव्ह जमीनमालक, दलालांनी गणपती दर्शनाच्या निमित्ताने सभापती व उपसभापती यांच्या घरी जाऊन त्यांची भेट घेत वा फोन करून निश्चित एमआयडीसीचे नेमके लोकेशन कुठले हे जाणून घेण्याचा प्रयत्न केला असल्याचे समजते. Guhagar MIDC location in bouquet
