गणेशोत्सवात एसटी चालक-वाहकांना खाद्यपदार्थांचे वाटप
गुहागर, ता. 21 : गणेशोत्सवानिमित्त गेल्या पाच वर्षांपासून चाकरमान्यांना घेऊन गुहागरमध्ये येणाऱ्या एसटी बसच्या चालक व वाहकांसाठी लायन्स क्लब ऑफ गुहागर सिटीच्या वतीने खाद्यपदार्थ व अल्पोपहाराची व्यवस्था करण्यात येत आहे. यावर्षीही हा सेवाभावी उपक्रम उत्साहात राबविण्यात आला. Lions Club Service Activities
गणेशोत्सवासाठी मोठ्या संख्येने चाकरमानी एसटी बसने गुहागरमध्ये दाखल होतात. त्यांच्या सुरक्षित प्रवासाची जबाबदारी पार पाडणाऱ्या चालक व वाहकांप्रती कृतज्ञता व्यक्त करण्याच्या उद्देशाने लायन्स क्लबतर्फे त्यांना फूड पॅकेटचे वाटप करण्यात आले. या उपक्रमातून चालक व वाहकांच्या सेवेला सन्मान देण्याबरोबरच गणेशोत्सव काळात त्यांचे मनोबल वाढविण्याचा प्रयत्न करण्यात आला. Lions Club Service Activities
यावेळी गुहागर पोलीस ठाण्याचे पोलीस निरीक्षक, गुहागर एसटी आगाराचे व्यवस्थापक तसेच लायन्स क्लब ऑफ गुहागर सिटीचे अध्यक्ष, सचिव, पदाधिकारी व सदस्य उपस्थित होते. Lions Club Service Activities
