गुहागर, ता. 05 : महाराष्ट्र नॉलेज कार्पोरेशन लिमिटेड गेली 25 वर्ष महाराष्ट्रातील कोट्यावधी विद्यार्थ्यांपर्यंत आधुनिक डिजिटल शिक्षण व कौशल्य विकास पोचवण्याचे कार्य सातत्याने करत आहे. समाजातील डिजिटल दरी दूर करण्याच्या कार्यात उल्लेखनीय यश संपादन केलेले आहे. एमकेसीएलने आपल्या स्थापनेची 25 वर्ष यशस्वी रित्या पूर्ण केली असून एमकेसीएलच्या 25 व्या स्थापना दिनाचे औचित्य साधून गुहागर तालुक्यातील आबलोली येथील सुयश कॉम्प्युटर सेंटर आबलोली येथे विविध कार्यक्रम मान्यवरांच्या उपस्थितीत उत्साहात संपन्न झाले. Various programs at Suyash Computer Aabloli
यावेळी चंद्रकांत बाईत माध्यमिक विद्यालय आबलोली या विद्यालयाच्या स्कॉलरशिप मध्ये उज्वल यश संपादन केलेल्या इयत्ता 8 वी मधील कु.हिरण्या योगेश पालशेतकर, कु. अनुज अतिष रेपाळ तसेच काजुर्ली हायस्कूल येथील इयत्ता 8 वी मधील कु. प्रीती रेवाळे, कु. सेजल गोणबरे, कु.सान्वी राणे, कु. तनया मोहिते, कु.ऋषिकेश तावडे, संभव गोणबरे या विद्यार्थ्यांना मान्यवरांचे हस्ते स्कॉलरशिप सर्टिफिकेट देऊन गौरविण्यात आले. त्यानंतर एमएससीआयटी जुलै मधील बॅचच्या विद्यार्थ्यांना मान्यवरांच्या हस्ते सर्टिफिकेट देऊन गौरवण्यात आले. Various programs at Suyash Computer Aabloli
त्यानंतर एआयएम या विषयावर विद्यार्थ्यांना आर्या साळवी, साक्षी सावंत, सलोनी मोहिते यांनी मौलिक मार्गदर्शन केले. यावेळी व्यासपीठावर सुयश कॉम्पुटर्स आबलोलीचे संचालक संदेश साळवी, संचालिका सावी साळवी, एक्सलंट अकॅडमी इंग्लिश मीडियम स्कूल आबलोलीच्या मुख्याध्यापिका नेत्रा रहाटे, शिक्षिका शर्मिष्ठा रहाटे, सुभाष बहुतूले, वेदिका पालशेतकर, अतिष रेपाळ, भगवानदास वैष्णव आदी मान्यवर उपस्थित होते. हा संपूर्ण कार्यक्रम यशस्वी करण्यासाठी साक्षी सावंत, सलोनी मोहिते, सिद्धी डिंगणकर, साक्षी आंबेरकर, शुभम सावंत यांनी विशेष प्रयत्न केले. Various programs at Suyash Computer Aabloli
