फेम इंडिया–एशिया पोस्टच्या यादीत पोलीस अधीक्षक नितीन बगाटे

रत्नागिरीच्या शिरपेचात मानाचा तुरा; महाराष्ट्रातील चार पोलीस अधिकाऱ्यांचा समावेश

रत्नागिरी, ता. 13 : फेम इंडिया–एशिया पोस्टने प्रसिद्ध केलेल्या ताज्या यादीत महाराष्ट्रातील चार पोलीस अधिकाऱ्यांचा समावेश करण्यात आला असून, त्यामध्ये रत्नागिरीचे पोलीस अधीक्षक नितीन दत्तात्रय बगाटे यांचाही समावेश झाला आहे. या निवडीमुळे रत्नागिरी जिल्ह्याच्या शिरपेचात आणखी एक मानाचा तुरा खोवला गेला आहे. Nitin Bagate on Fame India-Asia Post list

कायदा-सुव्यवस्था प्रभावीपणे राखणे, गुन्हेगारीवर नियंत्रण ठेवणे, सक्षम नेतृत्व, नागरिकाभिमुख पोलीसिंग आणि सर्वसामान्य नागरिकांमध्ये पोलिसांबद्दल विश्वास निर्माण करणे, अशा विविध निकषांच्या आधारे या यादीसाठी निवड करण्यात आल्याचे वृत्तात नमूद करण्यात आले आहे. Nitin Bagate on Fame India-Asia Post list

पोलीस अधीक्षक नितीन बगाटे यांच्या कार्यकाळात जिल्ह्यातील कायदा-सुव्यवस्था सक्षम ठेवण्यासोबतच नागरिकांच्या समस्या समजून घेऊन त्यावर तत्परतेने कार्यवाही करण्यावर भर दिला जात आहे. पोलीस अधिकारी व कर्मचाऱ्यांना प्रभावी मार्गदर्शन करताना नागरिकांशी संवाद आणि विश्वासाचे नाते दृढ करण्यालाही प्राधान्य देण्यात येत आहे. Nitin Bagate on Fame India-Asia Post list

भौगोलिकदृष्ट्या विस्तीर्ण असलेल्या रत्नागिरी जिल्ह्यातील विविध आव्हानांवर मात करत कायदा-सुव्यवस्था अबाधित ठेवणे, गुन्हेगारीविरोधात प्रभावी कारवाई करणे आणि नागरिकांच्या सुरक्षिततेला प्राधान्य देण्याच्या दृष्टीने पोलीस प्रशासनाची भूमिका महत्त्वपूर्ण ठरत आहे. Nitin Bagate on Fame India-Asia Post list

फेम इंडिया–एशिया पोस्टच्या मानाच्या यादीत पोलीस अधीक्षक नितीन दत्तात्रय बगाटे यांचा समावेश होणे ही त्यांच्या कार्याची दखल मानली जात असून, रत्नागिरी जिल्हा पोलीस दलासाठीही ही अभिमानाची बाब आहे. या निवडीमुळे जिल्ह्यातील पोलीस अधिकारी आणि कर्मचाऱ्यांना निश्चितच प्रेरणा मिळणार आहे. Nitin Bagate on Fame India-Asia Post list