पाचेरीसडा येथे मादी बिबट्या मृतावस्थेत

उपासमारीमुळे मृत्यू झाल्याचा प्राथमिक अंदाज

गुहागर, ता. 12 : तालुक्यातील पाचेरीसडा येथील बंद घराच्या पडवीत पाच महिन्यांचा मादी बिबट्या मृतावस्थेत आढळला. वनविभागाने घटनास्थळी पाहणी करून मृतदेह ताब्यात घेतला आहे. दरम्यान उपासमारीमुळे या बिबट्याचा मृत्यू झाल्याचा प्राथमिक अंदाज व्यक्त करण्यात आला असून पुढील तपास सुरू आहे. Leopard found dead at Pacherisada

पाचेरीसडा मधलीवाडी येथील विठ्ठल देवजी डिंगणकर यांच्या बंद घराच्या पडवीत बिबट्याला गीता गणपत जोशी यांनी पाहिले व पोलीस पाटील यांना कळविले. पोलीस पाटील यांनी वन विभागाला सदर माहिती दिली. वन अधिकाऱ्यांनी घटनास्थळी जाऊन पाहणी केली असता बिबट्या मृत असल्याचे दिसून आले. बिबट्या मादी असून वय अंदाजे 3ते 5 महिन्याचे आहे. Leopard found dead at Pacherisada