गुहागर, ता. 17 : मुख्यमंत्री देवेंद्र फडणवीस यांच्या २२ जुलै रोजी होणाऱ्या वाढदिवसानिमित्त सावर्डे येथील बीकेएल वालावलकर रुग्णालयात २१ व २२ जुलै २०२६ रोजी गरजू बालकांसाठी मोफत बालरुग्ण शस्त्रक्रिया शिबिराचे आयोजन करण्यात आले आहे. हा उपक्रम मुख्यमंत्री सहाय्यता निधी व धर्मादाय रुग्णालय मदत कक्ष (रत्नागिरी), राष्ट्रीय बाल स्वास्थ्य कार्यक्रम आणि बीकेएल वालावलकर रुग्णालय यांच्या संयुक्त विद्यमाने राबविण्यात येणार आहे. Pediatric surgery camp at Walawalkar Hospital
या शिबिरात मुंबईतील प्रख्यात बालशल्यचिकित्सक डॉ. पारस कोठारी यांच्या मार्गदर्शनाखाली बालकांवरील विविध शस्त्रक्रिया पूर्णपणे मोफत करण्यात येणार आहेत. यामध्ये पोटाचे आजार, जन्मजात व्याधी, नवजात बालकांवरील शस्त्रक्रिया, लघवीच्या तक्रारी, शरीरावरील गाठी व सूज, तसेच अपेंडिक्स आणि हर्निया यांसारख्या आजारांवरील शस्त्रक्रियांचा समावेश आहे. Pediatric surgery camp at Walawalkar Hospital
शिबिराचा लाभ घेण्यासाठी रेशन कार्ड तसेच आधार कार्ड किंवा ओळख व पत्त्याचा पुरावा आवश्यक असून, इच्छुक पालकांनी लवकरात लवकर नावनोंदणी करावी, असे आवाहन मुख्यमंत्री सहाय्यता निधी व धर्मादाय रुग्णालय मदत कक्षाचे वैद्यकीय अधिकारी तथा अध्यक्ष डॉ. सुमित सावंत यांनी केले आहे. संपर्क: ८८४७७९०१४९, ९२७२८९७८३४, ९९२२५६६६३९. Pediatric surgery camp at Walawalkar Hospital
