गुहागर, ता. 11 : तालुक्यातील कुडली गावाचा सामाजिक, शैक्षणिक, क्रीडा आणि आर्थिक विकास साधण्याच्या उद्देशाने स्थापन झालेल्या ‘श्रीदेव विठ्ठल रखुमाई सांस्कृतिक मंडळ, कुडली मोडा’ (नोंदणीकृत) यांच्या वतीने पर्यावरण संवर्धनाचा अभिनव उपक्रम राबविण्यात आला. मंडळाने ५ जुलै रोजी कुडली गावात पुरातन, दुर्मिळ आणि पर्यावरण व आरोग्यरक्षक वृक्षांच्या रोपांची लागवड करून समाजापुढे आदर्श निर्माण केला. Planting of rare trees in Kudali
दि. १४ नोव्हेंबर २०२५ रोजी स्थापन झालेल्या मंडळाचा हा पहिलाच उपक्रम असून, जमिनीची धूप रोखणे, भूगर्भजल पातळी वाढविणे, पर्यावरणाचे संवर्धन करणे आणि मानवी आरोग्यास पोषक वातावरण निर्माण करणे हा या वृक्षारोपणाचा मुख्य उद्देश होता. या उपक्रमांतर्गत कदंब, सुरंगी, कवठ, वड, पिंपळ, करंज, बहावा, ताम्हण, कांचन, बदाम, काशिद, बेहडा, बकुळ, जांभूळ, चिंच, कडुलिंब, अशोक आदी दुर्मिळ व पर्यावरणपूरक वृक्षांची लागवड करण्यात आली. Planting of rare trees in Kudali
या उपक्रमाला मंडळाच्या सर्व पदाधिकाऱ्यांसह गावातील पुरुष मंडळ, महिला मंडळ, क्रीडा मंडळ तसेच ग्रामस्थांनी आर्थिक, वस्तूरूप आणि श्रमदानाच्या माध्यमातून उत्स्फूर्त सहकार्य केले. पर्यावरण संवर्धनासाठी राबविण्यात आलेल्या या उपक्रमाचे कुडली गावासह पंचक्रोशीत सर्वत्र कौतुक होत असून, ग्रामविकासासाठी मंडळाच्या पुढाकाराची प्रशंसा केली जात आहे. Planting of rare trees in Kudali
