झाडे कोसळून घरांचे नुकसान व वाहतूक बंद
गुहागर, ता. 23 : तालुक्यात गेल्या दोन दिवसांपासून सुरू असलेल्या मुसळधार पावसामुळे विविध ठिकाणी पडझड व नुकसानाच्या घटना घडत असून आपत्तींची मालिका सुरूच आहे. सोमवारी (दि. 23) दिवसभरात सर्वाधिक घटना नोंदविण्यात आल्या. . रत्नागिरी जिल्ह्यासाठी आज रेड अलर्ट तर उद्या (बुधवारी) ऑरेंज अलर्ट जारी करण्यात आला असून आवश्यक ती खबरदारी घेण्याचे आवाहन तालुका प्रशासनाने केले आहे. Series of disasters in Guhagar taluka
मौजे पाचेरीसडा येथील पानबुडी फाटा–मधलीवाडी मार्गावर वादळी वाऱ्यामुळे काजूच्या झाडाची फांदी कोसळल्याने काही काळ वाहतूक ठप्प झाली. ग्रामपंचायत वेलदूर अंतर्गत नवानगर येथे प्रमोद वणकर यांचे शौचालय व घराची भिंत कोसळून नुकसान झाले. तसेच छाया दाभोळकर यांच्या घरासमोरील संरक्षण भिंतही पावसामुळे कोसळली. नरवण ग्रामपंचायत कार्यक्षेत्रातील रोहिले महसूल गावात प्रसाद पिलणकर यांच्या घरावर माडाचे झाड पडले, तर चंद्रकांत यशवंत पिलणकर यांच्या घरावर नारळाचे झाड कोसळून अंशतः नुकसान झाले. या सर्व घटनांचे पंचनामे लवकरच सादर करण्यात येणार असल्याची माहिती प्रशासनाने दिली. Series of disasters in Guhagar taluka
दरम्यान, चिखली कदमवाडी येथील अशोक पुंडलिक गोयथळे यांच्या घराजवळील सुपारीचे झाड पडून घरावरील सिमेंट पत्र्यांचे नुकसान झाले. यापूर्वी दि. 22 जून रोजी जांभारी येथील जितेंद्र आग्रे यांच्या विहिरीचेही अंशतः नुकसान झाले होते. तालुक्यातील एकूण आपत्तीजन्य परिस्थितीवर प्रशासनाकडून बारकाईने लक्ष ठेवण्यात येत असून नागरिकांनी सतर्क राहण्याचे आवाहन करण्यात आले आहे. Series of disasters in Guhagar taluka
