पाटपन्हाळे ग्रामपंचायतीचा ग्रामसभेत ठराव
गुहागर, ता. 13 : तालुक्यातील पाटपन्हाळे ग्रामपंचायतीमध्ये जागतिक पर्यावरण दिनानिमित्त झालेल्या विशेष ग्रामसभेमध्ये पर्यावरण संरक्षण, स्वच्छता व प्लास्टिकमुक्त गाव या उद्देशाने महत्त्वपूर्ण ठराव मंजूर करण्यात आले आहेत. महाराष्ट्र शासनाच्या प्लास्टिक बंदी नियमांनुसार, तसेच मा. न्यायालयाच्या निर्देशांनुसार ग्रामपंचायत हद्दीतील कोणताही दुकानदार, व्यावसायिक अथवा नागरिक यांनी प्लास्टिक पिशव्यांची विक्री, साठवणूक अथवा वापर करू नये, असे निर्देश देण्यात आले आहेत. Action against the use of plastic bags
ग्रामसभेच्या ठरावानुसार प्लास्टिक पिशव्यांचा वापर किंवा विक्री करताना आढळून आल्यास प्रथम रु. ५०० दंड, दुसऱ्यांदा आढळल्यास रु. १,२०० दंड, तिसऱ्यांदा आढळल्यास संबंधित व्यक्ती/व्यापाऱ्याविरुद्ध प्रचलित कायद्यानुसार फौजदारी गुन्हा दाखल करण्याची कार्यवाही करण्यात येईल, असे ठरविण्यात आले. तरी सर्व दुकानदारांनी व व्यावसायिकांनी पर्यावरण संरक्षणाच्या दृष्टीने प्लास्टिक पिशव्यांचा वापर पूर्णपणे बंद करून कापडी, कागदी अथवा इतर पर्यावरणपूरक पिशव्यांचा वापर करावा. तसेच आपल्या ग्राहकांनाही त्याबाबत जनजागृती करावी. सदर सूचनेची गांभीर्याने नोंद घेऊन नियमांचे पालन करावे, अशा सूचना करण्यात आल्या आहेत. Action against the use of plastic bags
