पावसाळ्यामुळे रात्रीची विशेष फेरीबोट सेवा तात्पुरती बंद

गुहागर, ता. 12 : पावसाळी वातावरण तसेच महाराष्ट्र मेरीटाईम बोर्डाच्या सूचनांनुसार सुवर्णदुर्ग शिपिंग व मरीन सर्व्हिसेस प्रा. लि. यांनी त्यांच्या रात्रीच्या विशेष (जादा) फेरीबोट सेवेला तात्पुरती स्थगिती दिली आहे. Ferry boat service closed due to monsoon

कंपनीने जारी केलेल्या सूचनेनुसार दाभोळ-धोपावे, जयगड-तवसाळ आणि वेसवी-बागमांडले या मार्गांवरील रात्रीची जादा फेरी सेवा २५ जून २०२६ पासून ३१ जुलै २०२६ पर्यंत बंद राहणार आहे. प्रवाशांच्या सुरक्षिततेच्या दृष्टीने हा निर्णय घेण्यात आल्याचे कंपनीने स्पष्ट केले आहे. Ferry boat service closed due to monsoon

पावसाळ्यात समुद्रातील प्रतिकूल हवामान आणि वाढलेली जोखीम लक्षात घेऊन ही सेवा स्थगित करण्यात आली असून, नियमित फेरी सेवांबाबत अद्ययावत माहितीसाठी प्रवाशांनी कंपनीशी संपर्क साधावा, असे आवाहन करण्यात आले आहे. Ferry boat service closed due to monsoon

अधिक माहितीसाठी संपर्क : ९७६७२४८९०० / ७८८८००२९००.