गुहागर बाजारपेठेतील रस्त्याचे डांबरीकरण करावे

गुहागरतील नागरिक आक्रमक

गुहागर, ता. 25 : गुहागर बाजारपेठ ते पोलीस स्टेशन या रस्त्याची चाळण झाली असून यातील काही रस्ता फ्लेवर बॉक्स उर्वरित डांबरीकरण असे करण्यात येणार होते परंतु यावर आज गुहागरतील नागरिक आक्रमक झाले व येथील पेपर ब्लॉक  रद्द करून हा रस्ता डांबरीकरण करावा अशी  ग्रामस्थांनी मागणी केली आहे. याबाबत नगरसेविका अनुषा भावे व ग्रामस्थांनी याबाबत सार्वजनिक बांधकाम विभाग  गुहागर यांना लेखी निवेदन दिले असून यात गुहागर बाजारपेठेतील रस्त्याचे पेवर ब्लॉकऐवजी पूर्ण लांबीत डांबरीकरण करण्याची मागणी केली आहे. Road in Guhagar market should be asphalted

गुहागर बाजारपेठेतील रस्त्याची अवस्था अत्यंत बिकट झाली असून  मोठ्या प्रमाणात खड्डे पडले आहेत. या रस्त्यापैकी बाजारपेठेतील खराब १५० मीटर लांबीच्या दुरूस्तीचे नियोजनात  ८० मीटर भागात पेवर ब्लॉक बसवण्यात येणार होते. पेवर ब्लॉक इंटरलॉकिंग असल्याने त्यांच्या फटीतून पाणी खाली मुरते, ज्यामुळे पाया कच्चा होऊन रस्ता खचतो. तसेच बाजारपेठेत पाण्याचा निचरा होण्यासाठी योग्य उतार नसल्यास पेवर ब्लॉकवर पाणी साचून राहील. एकूण १५० मीटर खराब रस्त्यापैकी फक्त ८० मीटर मध्ये पेवर ब्लॉक चे काम केल्यास उर्वरीत भाग तसाच राहील. यामुळे सखल भागात पाणी साचून नवीन केलेले कामही खराब होऊ शकते. बाजारपेठेत वाहनांची आणि पादचाऱ्यांची मोठी वर्दळ असते. अशा ठिकाणी पेवर ब्लॉक निसरडे  किंवा कालांतराने वर- खाली होऊन अपघात होऊ शकतात. यामुळे पेवर ब्लॉक ऐवजी दर्जेदार डांबरीकरण करून पाण्याचा निचरा होण्यासाठी योग्य व्यवस्था करावी अशी मागणी केली आहे. Road in Guhagar market should be asphalted

वेलदुर ते गुहागर खड्डे भरण्यासाठी सुमारे 19 लाखाचे काम मंजूर झाले आहे. हे काम करणारे ठेकेदार दिरंगाईने व निकृष्ट दर्जाचे काम करत असल्यामुळे ग्रामस्थांनी नाराजी व्यक्त केली. या मागणीसाठी ग्रामस्थ गुहागर येथील सार्वजनिक बांधकाम कार्यालयात गेले असता या कामाचे ठेकेदार ठेकेदारांनी ग्रामस्थांना उलट सुलट बोलल्यामुळे वातावरण संतप्त झाले होते. उपअभियंता स्वप्निल पाटील यांनी ठेकेदाराबाबत वरिष्ठांकडे तक्रार करणार असल्याचे ग्रामस्थांना सांगितल्यावर ग्रामस्थ शांत झाले. Road in Guhagar market should be asphalted