तालुका युवा सेना अधिकारी अमरदिप परचुरे यांचा उपक्रम
गुहागर, ता. 06 : शिवसैनिक अमरदिप परचुरे यांनी वाढदिवसानिमित्त 700 लिटर सोडियम हायपोक्लोराईड विनामुल्य उपलब्ध करुन दिले. गुहागर तालुकावासीय कोरोनाशी लढत आहेत. त्यामध्ये आपले काही तरी व्यक्तिगत योगदान हवे. या भावनेतून हा उपक्रम राबविल्याचे अमरदिप परचुरे यांनी सांगितले.
गुहागर शहरात रहाणारे अमरदिप परचुरे हे युवासेनेचे गुहागर तालुका अधिकारी आहेत. तसेच शहरातील व्याडेश्र्वर देवस्थानचे कार्यवाहही आहेत. त्यांनी आपल्या वाढदिवसानिमित्त पालशेतचे शाखाप्रमुख मिनार पाटील यांना 300 लिटर सोडियम हायपोक्लोराईड भेट दिले. मिनार पाटील यांनी पालशेत गावामध्ये शिवसैनिकांच्या मदतीने या औषधाची फवारणी केली. गुहागर शहरातील कोरोनाग्रस्तांची वाढती संख्या लक्षात घेवून औषध फवारणी करणे आवश्यक होते. ही कल्पना त्यांनी शिवसेनेचे गुहागर शहरप्रमुख आणि गुहागर जीमखानाचे अध्यक्ष नीलेश मोरे यांना सांगितली. तसेच फवारणीसाठी 400 लिटर सोडियम हायपोक्लोराईड भेट दिले. त्यामुळे गुहागर जीमखानाने आरे भंडारवाडा, असगोली आणि गुहागर शहराच्या मुख्य परिसरात फवारणी केली. आज किरकोळ बाजारात सोडियम हायपोक्लोराईडची किंमत 100 रु. लिटर इतकी आहे. या किंमतीचा विचार केल्यास 7 हजार रुपयांचे हायपोक्लोराईड अमरदिप परचुरेंनी कोरोनाकाळातील भेट म्हणून दिले आहे.
