गुहागर, ता. 26 : तालुक्यातील आबलोली येथील सुयश कॉम्प्युटर सेंटरचे संचालक संदेश साळवी यांचा सुपुत्र अनुज साळवी याने सनमार्क दुबई ओपन स्पर्धेमध्ये एक रौप्य व एक कास्य पदक पटकावले. तो राजापूर येथील नवोदय विद्यालयात इयत्ता सातवी मध्ये शिक्षण घेत आहे. Medals to Anuj in Sunmark Dubai Open Tournament
जागतिक मान्यता प्राप्त वर्ल्ड क्यूब असोसिएशन मार्फत संयुक्त अरब अमिराती दुबई येथे 16 ते 17 डिसेंबर रोजी घेण्यात आलेल्या सनमार्क दुबई ओपन स्पर्धेत दोन पदकांची कमाई केली आहे. या यशाबद्दल अनुज याचे सर्वस्तरातून अभिनंदन केले जात आहे. यापूर्वी अनुज साळवी याने जागतिक दर्जाच्या क्यूब स्पर्धेतमध्ये मुंबई येथे घेण्यात आलेल्या फिनिक्स क्यूब चॅलेंज 2022, केरळ येथील एमक्यूब ओपन 2022 आणि पुणे येथील घेण्यात आलेल्या आयआयएसईआर पुणे क्यूब ओपन 2022 या स्पर्धेत चमकदार कामगिरी केली होती. Medals to Anuj in Sunmark Dubai Open Tournament
या स्पर्धेत जगभरातील 28 देशांमधून 150 स्पर्धकांची निवड करण्यात आली होती. यामध्ये भारत, जॉरर्डन, संयुक्त अरब अमिराती, पाकिस्तान, इजिप्त, कॅनडा, सीरिया, युनायटेड किंगडम, तुर्के, रशिया, बहरीन, फिलिपाईन्स, ऑस्ट्रेलिया, अर्जेंटिना, सौदी अरेबिया, लेबनन, कोरिया, जपान, ओमन, इटली, फिनलँड, डेन्मार्क, इक्वेडोर इत्यादी देशांचा सहभाग होता. Medals to Anuj in Sunmark Dubai Open Tournament
