वाचन कट्टा कार्यक्रमात; विद्यार्थ्यांना वाचन संस्कृती व पुस्तक समीक्षणा विषयी माहिती
गुहागर, दि. 28 : केळकर शिक्षण संस्थेच्या विनायक गणेश वझे महाविद्यालय (Vaze-Kelkar College) मुलुंड (पूर्व) च्या मराठी विभाग, मराठी भाषा आणि वाङमय मंडळ व ग्रंथालय यांच्या संयुक्त विद्यमाने आयोजित केले होते. वाचन कट्टा या कार्यक्रमात खरे-ढेरे-भोसले महाविद्यालय गुहागरचे (Khare, Dhere, Bhosle College) मराठी भाषा विभाग प्रमुख डॉ. बाळासाहेब लबडे यांनी विद्यार्थ्यांना वाचन संस्कृती व पुस्तक समीक्षण या विषयी सविस्तर मार्गदर्शन केले. विद्यार्थ्यांना विविध साहित्यप्रकारांविषयी मार्गदर्शन करताना त्यांनी अनेक उदाहरणे दिली. विद्यार्थ्यांच्या सृजनशीलतेला प्रोत्साहित केले. Vaze-Kelkar College Guidance in Dr. Labade
वाचन कट्टा उपक्रमाचे प्रास्ताविक वझे-केळकर महाविद्यालयाचे (Vaze-Kelkar College) मराठी विभाग प्रमुख प्रा.अरविंद जाधव यांनी केले. आपल्या प्रास्ताविकात प्रा. अरविंद जाधव यांनी सांगितले की, महाविद्यालयात सुरू असलेला वाचनकट्टा उपक्रम विद्यार्थ्यांमध्ये वाचनाची आवड निर्माण करणारा आहे. गेली तीन वर्षे अविरतपणे हा उपक्रम सुरू आहे. ग्रंथपाल परितोष पवार यांनी विद्यार्थ्यांनी वाचन करावे. आपल्याला समजलेला आशय वाचन कट्ट्याच्या माध्यमातून व्यक्त करावा. यासाठी प्रोत्साहनपर मार्गदर्शन केले. प्रमुख अतिथी डॉ. बाळासाहेब लबडे यांचा परिचय विशाखा ढोपे हिने केला. Vaze-Kelkar College Guidance in Dr. Labade
त्यानंतर अग्निपंख-प्रीती गावडे, व्यक्ती आणि वल्ली- तेजस्विनी शिंदे, कॉलनी- रीद्धी मयेकर या वाचक विद्यार्थ्यांनी पुस्तकांविषयी आपला अभिप्राय मांडला. विद्यार्थ्यांचे पुस्तक वाचन व अभिप्राय कथन याविषयी डॉ. बाळासाहेब लबडे यांनी कौतुक केले. Vaze-Kelkar College Guidance in Dr. Labade
महाविद्यालयाच्या प्रभारी प्राचार्या डॉ.प्रीता निलेश, उपप्राचार्य सीए अनिल नाईक, उपप्राचार्य सीए विद्याधर जोशी, पर्यवेक्षिका प्रा. माधुरी नगरकर यांच्या मार्गदर्शनाखाली संपूर्ण कार्यक्रमाचे नियोजन मराठी भाषा विभाग प्रमुख प्रा. अरविंद जाधव, विषय प्रमुख दत्तात्रय गायकवाड, प्रा.निकिता विचारे, प्रा. संजीव सोनवणे, प्रा. अमोल पवार यांनी विद्यार्थ्यांच्या सहकार्याने केले होते. Vaze-Kelkar College Guidance in Dr. Labade
कार्यक्रमाचे सूत्रसंचालन साक्षी शिंत्रे तर आभार प्रदर्शन कौस्तुभ गोसावी यांनी केले. संपूर्ण महाविद्यालयीन विद्यार्थी-शिक्षक उपस्थित होते. Vaze-Kelkar College Guidance in Dr. Labade
