गुहागर, ता. 20 : तालुक्यातील मुंढर वळवणवाडी येथे शेतीचे काम करणाऱ्या महिलेला विषारी साप चावून snakebite दुर्दैवी मृत्यू झाल्याची घटना बुधवारी घडली. पोलिसांनी तळवली प्राथमिक आरोग्य केंद्रात सदर घटनेचा पंचनामा केला.
तालुक्यातील मुंढर वळवणवाडी येथील शेतकरी महिला प्रभावती प्रकाश मोहित (वय 59) या आपल्या घराशेजारी असणाऱ्या शेतामध्ये गवत काढत होत्या. यावेळी गवतात असलेल्या सापवर पाय पडल्याने सापने पायाला दंश केला. snakebite आपल्याला सापाने दंश केल्याचे लक्षात येताच प्रभावती मोहित यांनी मदतीसाठी आरडाओरडा केला. मात्र आजूबाजूला कोणीच नव्हते. वेदनांमुळे नेमका कोणता साप चावला ते शोधण्याचा प्रभावतींनी प्रयत्न केला नाही. तातडीने घरी गाठून त्यांनी शेजाऱ्यांना साप चावल्याचे सांगितले. मुंढर वळवणवाडी येथे तत्काळ डॉक्टर उपलब्ध नसल्याने आजुबाजुच्या ग्रामस्थांनी प्रभावती मोहित यांना रुग्णालयात घेवून जाण्यासाठी वाहनाची शोधाशोध सुरु केली. परंतू वेळेवर वाहन मिळाले नाही. वाहन मिळताच ग्रामस्थांनी त्यांना प्राथमिक आरोग्य केंद्र तळवली येथे उपचारासाठी नेले. वैद्यकीय उपचार मिळण्यापूर्वीच सदर महिलेचा वाहनामध्येच मृत्यू झाला होता. तळवली येथील वैद्यकीय अधिकारी डॉ. देशमुख यांनी ग्रामस्थांना सांगितले. snakebite
सदर महिलेला सर्प किंवा कांडर जातीचा साप चावला असल्याचा अंदाज व्यक्त करण्यात आला आहे. मयत प्रभावती मोहित या गावी राहत होत्या. त्यांना दोन मुलगे व दोन मुली आहेत. snakebite
