गुहागर, ता. 16 : शहरातील प्रसिद्ध श्री देव व्याडेश्वराच्या महाशिवरात्र उत्सवाला मोठ्या दिमाखात प्रारंभ झाला. यानिमित्त श्रींच्या दर्शनासाठी सकाळपासूनच भाविकांनी गर्दी केली होती. यानिमित्त ठेवलेल्या प्रचिन नाण्यांच्या प्रदर्शनालाही चांगला प्रतिसाद मिळाला. Shri Dev Vyadeshwar Festival
गुहागर शहरातील श्री देव व्याडेश्वर मंदिराचा महाशिवरात्र उत्सव दरवर्षी मोठ्या उत्साहात साजरा केला जातो. महाशिवरात्री सकाळी ७ ते ९.३० या वेळेत श्रींची षोडशोपचार पूजा व लघुरूद्र, सकाळी १०.३० ते सायंकाळी ७ वाजेपर्यंत शहरातील विविध मंडळांची सुस्वर भजने पार पडली. दुपारी १२ वाजता महाआरती, रात्री ७.३० ते ९.३० या वेळेत श्री व्याडेश्वर दिंडी सेवा मंडळ चिखली यांचे वारकरी किर्तन पार पडले. रात्री १० वाजता श्रींची ढोल पथक, टाळ मृदुंगाच्या गजरात पालखीतून भव्य मिरवणूक काढण्यात आली. यावेळी स्थानिक ग्रामस्थासह ज्यांचे श्री देव व्याडेश्वर कुलदैवत आहे, अशी सर्व मंडळी या मिरवणुकीत सहभागी झाले होते. Shri Dev Vyadeshwar Festival
सिंधुदुर्ग जिल्ह्यातील देवगड कसाल येथील ओंकार कदम यांनी संकलीत केलेल्या इ.स. न १ पुर्वीची २२० देशातील नाणी व चलनाचे प्रदर्शन भरवीण्यात आले आहे. विध्यार्थ्यांना हे प्रदर्शन कुतूहल वाटतं आहे. Shri Dev Vyadeshwar Festival
दरम्यान, १७ ते १९ फेब्रुवारी सलग तीन दिवस श्री देव व्याडेश्वर देवस्थान फंड यांच्यावतीने यावर्षीही व्याडेश्वर महोत्सव शहरातीलच पोलिस परेड मैदान येथे मोठया दिमाखात साजरा होत आहे. १७ फेबुवारी रोजी सायंकाळी ६.३० वाजता या महोत्सवाचे उपस्थित मान्यवरांच्या हस्ते उदघाटन करण्यात येणार आहे. गणेश वंदनेने महोत्सवाची सुरूवात होणार आहे. जादुचे प्रयोग हा कार्यक्रम सादर केला जाणार आहे. त्यानंतर प्रसिद्ध अभिनेता विघ्नेश जोशी यांचे पु. ल. देशपांडे यांच्या आठवणींना उजाळा देताना ‘मराठी असे आमची मायभूमी’ असा गप्पा, गाणी व किस्से हा कार्यक्रम सादर केला जाणार आहे. त्यानंतर स्थानिक कलाकारांचे विविध नृत्य सादर केले जाणार असून यामध्येच मान्यवरांचे सत्कार केले जाणार आहे. शेवटी लकी ड्रॉ व कोकणातील प्रसिद्ध संकासूर नमन सादर केले जाणार आहे. Shri Dev Vyadeshwar Festival
१८ फेब्रुवारी रोजी सायंकाळी ६.३० वाजता पुन्हा कलाआविष्कार देवरूख यांचे कोकणी संस्कृतीची ओळख करून देणारा सांस्कृतीक कार्यक्रम तसेच शिवगर्जना हा भरगच्च कार्यक्रम सादर केला जाणार आहे. त्यानंतर केडीसी ग्रुप यांचे विविध नृत्य, मान्यवरांचे सत्कार, लकी ड्रॉ व कोकणातील प्रसिद्ध संकासूर नमन सादर केले जाणार आहे. Shri Dev Vyadeshwar Festival
१९ फेब्रुवारी रोजी सायंकाळी ६.३० वाजता लोकनाटय नमन मंडळ मुंबई यांचे शिवभक्त कोकण हा कार्यक्रम सादर केला जाणार आहे. त्यानंतर शिवराज्याभिषेक सोहळा हा मोठा कार्यक्रम सादर होणार आहे. त्याच्यबरोबर मान्यवरांचे सत्कार, लकी ड्रॉ व शेवटी कोकणातील प्रसिद्ध नमन सादर करून महोत्सवाची सांगता केली जाणार आहे. या महोत्सवासाठी कोकणातील विविध खादय पदार्थांचे स्टॉल लावण्यात आले आहेत. तसेच अबालवृद्धांसाठी विविध प्रकारचे खेळ यामध्ये आकाश पाळणा, मुलांची घसरगुंडी, विविध गेम्स आदी मनोरंजनही ठेवण्यात आले आहे. Shri Dev Vyadeshwar Festival
