गुहागर दुर्गादेवी मंदिरात संकासुर महोत्सव

गुहागर, ता. 27 : गुहागर वरचापाट येथील प्रसिद्ध दुर्गादेवी मंदिरात दरवर्षीप्रमाणे यंदाही संकासुर महोत्सवाचे आयोजन करण्यात येते. आज दि. 27 व 28 फेब्रुवारी 2026 रोजी संध्याकाळी सात ते दहा वाजेपर्यंत असून हा दोन दिवस महोत्सव चालणार आहे. Sankasur Festival at Durga Devi Temple

दुर्गा देवी मंदिरात गेली आठ ते दहा वर्ष शिमगा सणात संकासुर महोत्सवाचे आयोजन करण्यात येते. यावर्षी हे आयोजन करण्यात आले असून वरवेली रांजणवाडी, वरवेली शिंदेवाडी, पालपेणे, चिखली, वेळंब, असगोली असे तालुक्यातले नामवंत संकासुर नमन मंडळ येथे आपली कला सादर करणार आहेत. गुहागर वासियांचे श्रद्धास्थान असलेल्या दुर्गादेवी देवस्थानच्या एकाच व्यासपीठावर हे सर्व शंकासुर बघण्याची संधी ग्रामस्थांना मिळते. यामुळे ही नमन पाहण्यास ग्रामस्थ पर्यटक यांची गर्दी असते. तरी या महोत्सवाला सर्वांनी उपस्थित रहावे, असे आव्हान दुर्गादेवी देवस्थान यांनी केले आहे. Sankasur Festival at Durga Devi Temple