“चौथ्या वर्धापन दिनी”, “दिशा महाराष्ट्राची” आयोजित राज्यस्तरीय दुसरा सन्मान सोहळा
गुहागर, ता. 25 : तालुक्यातील आबलोली येथील पत्रकार संदेश तुकाराम कदम यांना “दिशा महाराष्ट्राची” या वेब पोर्टल आणि युटूब चॅनल या संस्थेच्या वतीने राज्यस्तरीय आदर्श पत्रकार पुरस्कार २०२५” या पुरस्कार कार्यक्रमाच्या अध्यक्षा व आदर्श प्राचार्य आणि सुप्रसिद्ध निवेदिका मान.अर्चना मोहिते यांचे हस्ते नियुक्ती पत्र आणि ओळखपत्र देऊन सन्मानीत करण्यात आले. Sandesh Kadam receives “Ideal Journalist Award”
“दिशा महाराष्ट्राची” या वेब पोर्टल आणि युटूब चॅनलच्या चौथ्या वर्धापन दिनानिमित्त राज्यस्तरीय दुसरा सन्मान सोहळा २०२५ या सन्मान सोहळ्यात संस्थेचे मुख्य संपादक आयु. तुषार गौतम नेवरेकर यांच्या प्रमुख उपस्थितीत तसेच संपादक, साहित्यिक आणि कवी मान. सरकार इंगळी यांचे हस्ते “राज्यस्तरीय आदर्श पत्रकार पुरस्कार २०२५” हा पुरस्कार सन्मानपत्र तसेच आकर्षक ट्रॉफी देऊन सन्मानीत करण्यात आले. Sandesh Kadam receives “Ideal Journalist Award”
संदेश तुकाराम कदम हे गेली अनेक वर्ष आपल्या अंगी असलेल्या कलागुणांनी समाजातील विविध विषयांवर आजतगायत कार्य करत आहेत. आपल्या कामाविषयी असलेली निष्ठा, प्रामाणिकता व तळमळ ही समाजातील अनेक व्यक्तिमत्वांना प्रेरित करणारी आहे. ही कार्यक्षमता व कर्तव्य दक्षता लक्षात घेऊन रविवार दिनांक २३ नोव्हेंबर २०२५ रोजी डॉ.बाबासाहेब आंबेडकर समता भवन सानपाडा, नवी मुंबई येथे “दिशा महाराष्ट्राची” या वेब पोर्टल आणि युटूब चॅनल या संस्थेच्या वतीने राज्यस्तरीय आदर्श पत्रकार पुरस्कार २०२५” या पुरस्कार देऊन पत्रकार संदेश तुकाराम कदम यांना सन्मानीत करण्यात आले. यावेळी सुत्रसंचालन सौ.सपना नेवरेकर यांनी केले. Sandesh Kadam receives “Ideal Journalist Award”
