रविंद्र पवार यांना राज्यस्तरीय समाजरत्न पुरस्कार

“चौथ्या वर्धापन दिनी”, “दिशा महाराष्ट्राची” आयोजित राज्यस्तरीय दुसरा सन्मान सोहळा

गुहागर, ता. 25 : तालुक्यातील तळवली येथील रविंद्र रोहिणी अनंत पवार यांना “दिशा महाराष्ट्राची” चौथ्या वर्धापन दिनानिमित्त डॉ. बाबासाहेब आंबेडकर समता भवन, सानपाडा, नवी मुंबई येथे आयोजित कार्यक्रमात राज्यस्तरीय समाजरत्न पुरस्कार – २०२५  हा देऊन सन्मानित करण्यात आले. Ravindra Pawar gets Samaj Ratna award

रविंद्र रोहिणी अनंत पवार यांनी २००० ते २००२ या काळात गुहागर-चिपळूण परिसरातील विविध शाळा, महाविद्यालये आणि सेवाभावी संस्थांमध्ये स्मरणशक्ती वाढ, व्यक्तिमत्व विकास यांसारख्या विषयांवर तब्बल ८० विनामूल्य व्याख्यानं देत समाजकार्याची मोलाची परंपरा जपली. सध्या ते मराठी मनोरंजन क्षेत्रात सक्रिय असून झी मराठीवरील लोकप्रिय ‘शिवा’ व वहिणीसाहेब, परिजात, देवयानी, जतोस्तुते, चाहूल, राधा प्रेम रंगी झाली, कुंकू टिकली, टॅटू, लागिर झाल जी, मिसेस मुख्यमंत्री, संभाजी, शोध अस्तित्वाचा, स्वाभिमान, सहकुटुंब सहपरिवार, घरोघरी मातीच्या चुली, ठरलं तर मग अशा अनेक मालिकांचे निर्मिती प्रबंधक म्हणून कार्यरत आहेत. Ravindra Pawar gets Samaj Ratna award