Video News : Raj Thackeray in Guhagar
Guhagar News : महाराष्ट्र नवनिर्माण सेनेचे पक्षप्रमुख राज ठाकरे (Raj Thackeray) सध्या कोकण दौऱ्यावर आहेत. सोमवार दि. 5 डिसेंबरला त्यांनी शृंगारतळीतील मनसेच्या मध्यवर्ती कार्यालयाचे उद्घाटन केले. रविवारी रात्रीच आपला दिवसभराचा दौरा आटपून राज ठाकरे (Raj Thackeray) गुहागरला (Guhagar) आले होते. Raj Thackeray in Guhagar आज सकाळी गुहागरमधील श्री व्याडेश्र्वर मंदिरात दर्शन घेवून ते शृंगारतळीला आले. गुहागर तालुक्यातील मनसे पदाधिकाऱ्यांनी पाटपन्हाळे शाळेपासून मिरवणुकीचे आयोजन केले होते. मात्र ग्रामपंचायत निवडणुकीची आचारसंहिता असल्याने राज ठाकरे यांनी मिरवणुकीने येणे रद्द केले व ते थेट मध्यवर्ती कार्यालयाच्या ठिकाणी आले. येथे राज ठाकरेंचे जंगी स्वागत करण्यात आले. मध्यवर्ती कार्यालयाचे उद्घाटन (inauguration) फीत कापून केल्यानंतर याच कार्यालयात राज ठाकरे यांनी पदाधिकाऱ्यांशी संवाद साधला. त्यानंतर उपस्थितांना मार्गदर्शन केले.
