आयएनएस कोलकाता महार रेजिमेंटशी संलग्न

नौदलाच्या अधिकाऱ्यांनी केल्या संलग्नता सनदीवर स्वाक्षऱ्या

मुंबई, ता. 27 ; भारतीय नौदलाची स्वदेशी बनावटीची मार्गदर्शित -क्षेपणास्त्र स्टेल्थ विनाशिका, आयएनएस कोलकाता, बुधवारी 25 मे, 2022 रोजी महार रेजिमेंटशी संलग्न झाली. मुंबईत नेव्हल डॉकयार्ड येथे आयोजित एका दिमाखदार सोहळ्यात, भारतीय लष्कराच्या अधिकाऱ्यांनी संलग्नता सनदीवर स्वाक्षऱ्या केल्या. भारतीय सैन्यदलात  सर्वात मानाचे पायदळ म्हणून महार रेजिमेंटची ओळख आहे. INS Kolkata Affiliated with Mahar Regiment

लेफ्टनंट जनरल सी बन्सी पोनप्पा, एव्हीएसएम, व्हीएसएम, भारतीय लष्कराचे ॲडज्युटंट जनरल आणि महार रेजिमेंटचे कर्नल, रिअर ॲडमिरल समीर सक्सेना, एनएम, फ्लॅग ऑफिसर कमांडिंग, वेस्टर्न फ्लीट, कमांडंट, ब्रिगेडियर नवनीत जर्याल  महार रेजिमेंटल सेंटर, आणि कॅप्टन प्रशांत हांडू, एनएम, कमांडिंग ऑफिसर, कोलकाता, यांनी संलग्नता सनदीवर स्वाक्षऱ्या केल्या.  

आयएनएस कोलकाता जहाजावर हा संलग्नता सोहळा पार पडला. संलग्नता सनदेचे आदानप्रदान करण्यात आले. या सोहळ्यात नौदल आणि महार रेजिमेंटच्या बँड तुकड्यांनी संयुक्त संचलन आणि संयुक्त सादरीकरण केले. INS Kolkata Affiliated with Mahar Regiment

योगायोगाने, कोलकात्याचे ब्रीदवाक्य “युद्धाय  सर्वसनध” (युद्धासाठी नेहमी तयार) आणि महार रेजिमेंटचे ब्रीदवाक्य “यश सिद्धी” (यश आणि प्राप्ती) एकमेकांना पूरक आणि साजेशी आहेत. INS Kolkata Affiliated with Mahar Regiment