गुहागरची गणेश मूर्ती सातासमुद्रापार

गुहागर, ता. 29 : महाराष्ट्रात आणि देशभर साजरा होणार गणेशोत्सव परदेशातही धुमधडाक्यात साजरा केला जातो. कामानिमित्त युरोपमध्ये असलेल्या राज्यातील तरुण तरुणी सलग तिसऱ्या वर्षी गणेशोत्सव साजरा करत आहेत. या उत्सवासाठी गुहागरातून गणेशमूर्ती युरोपमध्ये नेण्यात आली आहे. पुढील काही दिवस ही मंडळी आपला कामं सांभाळून दररोज आरती, महाप्रसाद असे कार्यक्रम करणार आहेत. Guhagar’s Ganesha idol in Europe

महाराष्ट्रामधील मराठमोळे युवक युरोपमधील स्लोवाकिया या देशात नित्रा शहर येथे गणेशोत्सव मोठ्या उत्साहात साजरा करतात. या निमित्ताने भारतीय संस्कृतीचे परंपरेचे जतन परदेशात होत असल्याचे पहावयास मिळत आहे. सर्व तरुण मंडळी महाराष्ट्रातील आहेत. Guhagar’s Ganesha idol in Europe

गुहागर तालुक्यातील निखिल सुनील रेवाळे या तरुण देखील येथील जग्वार लँड रोवर या जगप्रसिद्ध कंपनीत कामाला आहे. यावर्षी गणेशोत्सवासाठी आपल्या गुहागरातील गणेश मूर्ती असावी, म्हणून काही दिवसांपूर्वी आपल्या घरी आला होता. गुहागर खालचापाट येथील मूर्तिकार मंगेश घोरपडे यांच्याकडून आकर्षक मूर्ती बनवून घेतली. दि. 19 ऑगस्ट रोजी या मूर्तीला चांगले पॅकिंग करून आपल्यासोबत युरोप मध्ये घेऊन गेला आहे. निखिल हा खास गणेश मूर्ती आणण्यासाठी इतक्या दुरहून आपल्या गावी आला होता. गणेश उत्सवात प्रत्येकजण आपले कामं सांभाळून गणेशाची सेवा करणार आहेत. आम्ही त्याठिकाणी गणेशोत्सव साजरा करत असलो तरी आपल्या गावातील गणेशोत्सवाची जास्त आठवण येतं असल्याचे सांगितले. Guhagar’s Ganesha idol in Europe