गुहागर, ता. 06 : तालुक्यातील जि. प. शाळा काताळे नवानगर उर्दू येथे स्वच्छता मोहीम व महात्मा गांधी 152 वी व लालबहादूर शास्त्री 117 वी जयंती उत्साहात साजरी करण्यात आली. यानिमित्ताने शाळेत रंगभरण स्पर्धा घेण्यात आली. Gandhi Jayanti in Katale Urdu School
या कार्यक्रमाची सुरुवात हसन शिरगावकर याच्या कुराण पठाणाने झाली. कार्यक्रमाचे अध्यक्ष शाळा व्यवस्थापन समितीचे अध्यक्ष जैद भाटकर होते. कार्यक्रमाचे प्रस्ताविक शाळेचे मुख्याध्यापक अशफाक कुपे यांनी केले. स्वच्छता मोहीममध्ये काताळे नवानगर ग्रामपंचायत सदस्य मधुकर असगोलकर, शाळा व्यवस्थापन समितीचे अध्यक्ष जैद भाटकर, पालक, मुख्याध्यापक अशफाक कुपे, उपशिक्षिका तह्मीना गुहागरकर, अंगणवाडी शिक्षिका फरीदा जांभारकर, दानिया गुहागरकर व विद्यार्थी यांनी सहभाग घेतला होता. यावेळी शाळा परिसर स्वच्छ करण्यात आला. तसेच पेटी उघडा गुणवत्ता वाढवा हा उपक्रम राबविण्यात आला. Gandhi Jayanti in Katale Urdu School
स्वच्छता संदर्भात काताळे नवानगर ग्रामपंचायतचे सदस्य मधुकर असगोलकर यांनी आपले मत मांडले. स्वच्छता संदर्भात गावात प्रभाती फेरी काढण्यात आली. शाळेचे मुख्याध्यापक कुपे यांनी महात्मा गांधीजी व लालबहादूर शास्त्री यांच्या जीवनावर आधारित आपले मनोगत व्यक्त केले. तसेच उपशिक्षिका तहमिना गुहागरकर यांनीही मार्गदर्शन केले. मुलांमध्ये हुरबानू जांभारकर, सुमय्या जांभारकर यांनी भाषणे केली. कार्यक्रमाचे अध्यक्ष जैद भाटकर यांनी स्वच्छता संदर्भात आपले मनोगत व्यक्त केले. Gandhi Jayanti in Katale Urdu School
