सैनिकी शाळा प्रवेशप्रक्रियेसाठी ई-कौन्सिलिंग वेब पोर्टल सुरु

मान्यताप्राप्त 10 सैनिकी शाळांमध्ये 534 पदे भरली जाणार

नवी दिल्ली, ता. 24 : सैनिक स्कूल सोसायटीच्या नव्या सैनिकी शाळांमध्ये प्रवेशाची पहिली फेरी यशस्वीरित्या पूर्ण झाल्यानंतर, आता दुसऱ्या फेरीच्या प्रवेशप्रक्रियेसाठी, ई-कौन्सिलिंग ( ई-समुपदेशन) वेब पोर्टल पुन्हा सुरु झाले आहे.  दुसऱ्या फेरीत नव्या मान्यताप्राप्त 10 सैनिकी शाळांमध्ये 534 पदे भरली जाणार आहेत. E-counseling web portal launched

सैनिकी शाळांमध्ये प्रवेशासाठीची मार्गदर्शन/समुपदेशन प्रक्रिया  https://sainikschool.ncog.gov.in/ecounselling  या पोर्टलवर 26 जून 2022 पर्यन्त उपलब्ध असेल.  राष्ट्रीय चाचणी संस्था- एनटीए ने घेतलेल्या अखिल भारतीय सैनिकी शाळा प्रवेश परीक्षेत (AISSEE-2022) उत्तीर्ण झालेले सर्व पात्र विद्यार्थी, ज्यांनी पहिल्या फेरीच्या ई-कौन्सिलिंग साठी नोंदणी केली होती. ते दुसऱ्या फेरीसाठी पात्र असतील. मात्र याला खालील अपवाद आहेत, ते खालीलप्रमाणे :

• ज्या विद्यार्थ्यांना याधीच सैनिकी शाळेत प्रवेश मिळाला आहे (सध्याच्या किंवा नव्याने सुरु होणाऱ्या)
• ज्या विद्यार्थ्यांना पहिल्या फेरीत, त्यांनी दिलेल्या प्राधान्य/पसंतीक्रमाच्या बाहेरच्या शाळांमध्ये प्रवेश मिळाला आहे, मात्र त्यांनी त्याला अजिबात प्रतिसाद दिलेला नाही.
• ज्या विद्यार्थ्यांना पहिल्या फेरीत प्रवेश मिळाला असूनही, त्यांनी त्यासाठी उत्सुकता दर्शवलेली नाही.
• पहिल्या फेरीत ज्यांना त्यांच्या पसंतीच्या शाळेत प्रवेश मिळाला असून, त्यांनी तिथे जाण्याची इच्छाही दर्शवली आहे. मात्र अद्याप प्रवेश शुल्क भरलेले नाही.

असे, सगळे वगळता इतरांना दुसऱ्या फेरीच्या ई-समुपदेशनात प्रवेश घेता येईल. दुसऱ्या फेरीत प्रत्येक पात्र विद्यार्थी त्याच्या पसंतीच्या तीन शाळा सांगू शकतो/शकते. प्रत्यक्ष पडताळणी आणि प्रवेश शुल्क भरण्याची तारीख, लवकरच पोर्टलवर अपलोड केली जाईल. सविस्तर माहितीसाठी, पात्र आणि इच्छुक विद्यार्थ्यांनी प्रवेश पोर्टलला भेट द्यावी. E-counseling web portal launched