गुहागर नगरपंचायतीत नागरिकांचा खोळंबा
Guhagar News, ता. 8 : नगरपंचायत कार्यालयात जनतेला हरकती नोंदवण्यासाठी नेमलेला अधिकारी बुधवारी दुपारपासून नगरपंचायतीकडे फिरकलाच नाही. DP Plan Officer absent in Guhagar NP. त्यामुळे विकास आराखड्याची माहिती घेण्यासाठी व हरकती नोंदवण्यासाठी आलेल्या नागरिकांना दोन तास वाट पाहून माघारी फिरावे लागले. दरम्यान मुख्य कार्यकारी अधिकारी यांचेही फोन संबंधित अधिकाऱ्याने उचलले नाहीत. अशी माहिती समोर आली आहे. यावरुन वातावरण तापले आहे हे समजाताच सायंकाळी 6 वा.हे अधिकारी नगरपंचायतीत हजर झाले.
सध्य विकास आराखड्यामुळे (Development Plan) गुहागर मधील वातावरण गढूळ झाले आहे. नोकरी, उद्योग व व्यवसायामुळे बाहेरगावी राहणाऱ्या नागरिकांना आपल्या जागेवर आरक्षण आहे कायाची माहिती नाही. नागरिकांना आरक्षणावर हरकत घेण्यासाठी सर्व्हे क्रमांक, आरक्षण क्रमांक, समितीला समजले अशा भाषेत हरकत कशी लिहायची. याची माहिती घेण्यासाठी नागरिक मोठ्या संख्येने नगरपंचायतीत येतात. त्यांना मार्गदर्शन करण्यासाठी नगरपंचायतीमध्ये गायकवाड नावाच्या एका अधिकाऱ्याची नियुक्ती करण्यात आली आहे. सदर अधिकारी शहर विकास आराखडा, त्यातील आरक्षणे कोणत्या जमिनीवर आहेत, त्या जमिनीचा तपशील, आदी माहिती नागरिकांना देतात. हरकत कशी नोंदवावी याचेही मार्गदर्शन करतात. DP Plan Officer absent in Guhagar NP
बुधवार (ता.8) सकाळच्या सत्रात नागरिकांना माहिती दिल्यानंतर भोजनाच्या सुट्टीत गायकवाड नगरपंचायतीतून बाहेर पडले, ते पुन्हा नगरपंचायत कार्यालयात आलेच नाहीत. काही नागरिक दुपारी तीन वाजल्यापासून साडेपाच वाजेपर्यंत नगरपंचायत कार्यालयात हरकती नोंदवण्यासाठी, हरकतींची माहिती घेण्यासाठी आले होते. मात्र त्यांची आणि गायकवाड या अधिकाऱ्याची भेटच होऊ शकली नाही. नगरपंचायतीमधील कर्मचाऱ्यांनी गायकवाड यांच्याशी संपर्क साधण्याचा प्रयत्न केला. मात्र तो झाला नाही. म्हणून अखेर नगरपंचायतीचे मुख्य कार्यकारी अधिकारी प्रसाद शिंगटे यांनी देखील गायकवाडांना दूरध्वनीवरून संपर्क केला. मात्र तो फोन देखील गायकवाड यांनी उचलला नाही. त्यामुळे नगरपंचायतीमध्ये आलेले नागरिक संतप्त झाले होते. DP Plan Officer absent in Guhagar NP
याबाबत बोलताना नगरसेवक समीर घाणेकर म्हणाले की, आज अनेक नागरिक आपल्या जागेवर आरक्षण नको म्हणून गुहागर नगरपंचायतीत येत आहेत. मात्र एक नागरिक सनसेट पॉईंटचे आरक्षण माझ्या जागेत असेल तर मला हवे आहे, असे सांगण्यासाठी नगरपंचायतीत आले होते. मात्र सदरचे आरक्षण त्यांच्याच जागेत आहे का याची निश्चित माहिती अधिकारी नसल्याने मिळू शकली नाही. हे आमचे दुर्दैव आहे.
भाजपचे उपाध्यक्ष किरण खरे हे देखील विकास आराखड्यातील काही आरक्षणाची तपशिलात माहिती घेण्यासाठी नगरपंचायत कार्यालयात आले होते. अडीच ते साडेपाच असे तीन तास किरण खरे नगरपंचायतीत बसून होते. मात्र गायकवाड हे नगरपंचायतीत आले नाहीत. याबाबत मुख्य कार्यकारी अधिकाऱ्यांकडे किरण खरे यांनी तक्रार केली. त्यावर गुरूवारपासून दररोज एक अधिकारी कार्यालयीन वेळेत विकास आराखड्यासंदर्भात मार्गदर्शन करण्यासाठी निश्चित असेल. असे आश्वासन मुख्य कार्यकारी अधिकारी यांनी दिले आहे. DP Plan Officer absent in Guhagar NP
दरम्यान नागरिकांचा दबाव वाढल्याचे लक्षात आल्यावर सायंकाळी 6.00 वा. गायकवाड गुहागर नगरपंचायतीत हजर झाले. त्यानंतर रात्री 8.00 वाजेपर्यंत ते नागरिकांना मार्गदर्शन करत थांबले होते.
