सभापती पदासाठी तीन उमेदवार इच्छुक

गुहागर पं. स. ; पोळेकर, वेल्हाळ व गोरीवले यांच्या नावाची चर्चा

गुहागर, ता. 13 : गुहागर पंचायत समिती सभापती पदी प्रणव पोळेकर, संदीप गोरीवले व गौरव वेल्हाळ ही तीन नावे चर्चेत आहेत. या तीन पैकी एकाला सभापती पद निश्चित मिळणार असल्याचे समजते. Candidates interested for Panchayat Samiti

पंचायत समिती व जिल्हा परिषद निवडणूक जाहीर झाल्या. त्यावेळी युतीमध्ये शिवसेनेला तीन जिल्हा परिषद, भाजपला दोन जिल्हा परिषद, तर शिवसेनेला सहा पंचायत समिती, व भाजपला चार पंचायत समिती जागा असा फॉर्म्युला निश्चित झाला होता. त्याचवेळी सभापती पद शिवसेनेकडे व उपसभापती पद भाजपकडे यावर शिक्का मोर्तब झालं होतं. याचा फॉर्मुला गुहागर नगरपंचायत निवडणुकी वेळीस निश्चित झाला होता. या निवडणुकीत शिवसेनेने सहा पैकी पाच जागेवर तर भाजपने चारही जागेवर विजय मिळवला.  Candidates interested for Panchayat Samiti

सभापतीपदी शिवसेनेचे कोंडकारुळ गणातून निवडून आलेले प्रणव पोळेकर, वेळणेश्वर गणातून निवडून आलेले संदीप गोरीवले व शृंगारतळी गणातून निवडून आलेले गौरव वेल्हाळ या तिघांची नावे सध्या चर्चेत आहेत. आमचे वरिष्ठ पालकमंत्री उदय सामंत जे नाव जाहीर करतील तेच सभापती असतील असे सांगितले. यामुळे सभापतीपदी कोणाचे नाव पालकमंत्री जाहीर करुन कोणाची वर्णी लागते. याकडे सर्वांचे लक्ष लागले आहे. Candidates interested for Panchayat Samiti