गुहागर, ता. 13 : महामानव डॉ. बाबासाहेब आंबेडकर यांच्या जयंतीच्या औचित्याने महाराष्ट्र राज्य जुनी पेन्शन हक्क संघटन, शाखा गुहागरच्या वतीने उद्या दि. १४ रोजी सकाळी १०.३० वाजता पेन्शनचा जागर व रक्तदान शिबिराचे आयोजन करण्यात आलेले आहे. Blood donation camp in Guhagar
भंडारी भवन सभागृहात सकाळी १०.३० ते ४ या दरम्यान हा कार्यक्रम संपन्न होणार असून या कार्यक्रमास तहसीलदार प्रतिभा वराळे, गट विकास अधिकारी अमोल भोसले, पोलीस निरीक्षक बी. के. जाधव तसेच वैद्यकीय अधिकारी उपस्थित राहणार आहेत. जुनी पेन्शन हक्क संघटनेतील एनपीएस धारक तलाठी संघटना, ग्रामसेवक संघटना, आरोग्य सेवक, प्राथमिक शिक्षक, माध्यमिक शिक्षक इत्यादी कर्मचाऱ्यांचा यात सहभाग असणार आहे. रक्तदान शिबिरासाठी आतापर्यंत 90 लोकांची नोंदणी झाली असून त्यासाठी चांगला प्रतिसाद मिळत असल्याचे जुनी पेन्शन हक्क संघटनेचे तालुका अध्यक्ष अमोल धुमाळ यांनी सांगितले. Blood donation camp in Guhagar
या कार्यक्रमात एनपीएस धारक कर्मचारी आपल्या कलागुणांनातून पेन्शनचा जागर करणार आहेत. नाट्य गीत कविता एकपात्री इत्यादी मधून ते आपला कलाविष्कार सादर करणार आहेत. पेन्शन हा कर्मचाऱ्यांचा हक्क आहे आणि तो घटनेने दिलेला आहे, या पार्श्वभूमीवर डॉ. बाबासाहेब आंबेडकरांच्या जयंतीदिनी हा कार्यक्रम घेऊन तालुक्यातील एमपीएस धारक कर्मचारी आपला पेन्शन हक्क अधोरेखित करत आहेत. या कार्यक्रमास तालुक्यातील शासकीय कर्मचाऱ्यांनी उपस्थित राहावे, असे आवाहन जुनी पेन्शन हक्क संघटनेच्यावतीने करण्यात आलेले आहे. Blood donation camp in Guhagar
