चिपळुणात भाजपचा विजयोत्सव

गुहागर, ता.11 : चिपळूण येथे नुकत्याच झालेल्या राज्यसभेच्या निवडणुकीत भाजपाने तीन जागांवर यश संपादन केल्याबद्दल चिपळूण भाजपने विजयोत्सव साजरा केला. यावेळी चिपळूण नगरपरिषद समोरील छत्रपती शिवाजी महाराजांच्या पुतळ्यास पुष्पहार अर्पण करून विजयी घोषणा देऊन परिसर दणाणून सोडला. BJP’s victory in Chiplun

नुकत्याच झालेल्या राज्यसभेच्या निवडणुकीत भाजपकडून नेते पियुष गोयल, माजी कृषीमंत्री अनिल बोंडे तर धनंजय महाडिक या तिघांनी विजय संपादन केला. तत्पूर्वी महाविकास आघाडीकडून सेनेचे कोल्हापूर जिल्हाप्रमुख संजय पवार विजयी होतील असा दावा केला जात होता. मात्र, कोल्हापुरातील धनंजय महाडिक यांनी सेनेचे संजय पवार यांचा पराभव करून भाजपने तिसरी जागा जिंकत महाविकास आघाडीला धोबीपछाड देण्यात यश मिळवले आहे. या विजयाबद्दल मुंबई मुख्यालयात भाजपने विजयोत्सव साजरा केला. BJP’s victory in Chiplun

याच पद्धतीने चिपळूनात देखील भाजप पदाधिकारी व कार्यकर्त्यांनी आनंदोत्सव साजरा केला. चिपळूण नगरपरिषदे समोरील छत्रपती शिवाजी महाराजांच्या पुतळ्यास पुष्पहार अर्पण करून विजयी घोषणा देऊन परिसर दणाणून सोडला. यावेळी माजी नगराध्यक्षा सुरेखा खेराडे, माजी नगरसेवक विजय चितळे, परिमल भोसले, माजी नगरसेविका सौ. रसिका देवळेकर, नुपूर बाचीम, जिल्हा उपाध्यक्ष रामदास राणे, संतोष भडवळकर, तालुका अध्यक्ष वसंत ताम्हणकर, निखिल किल्लेकर, सुनीत खेराडे आदी उपस्थित होते. BJP’s victory in Chiplun