गुहागर, ता.14 : राष्ट्रवादी विद्यार्थी काँग्रेस जिल्हाध्यक्ष श्री. साहिल आरेकर यांनी नुकताच आपला जिल्हाध्यक्ष पदाचा राजीनामा दिला आहे. नवीन कार्यकर्त्यांना त्या पदावर काम करण्याची संधी मिळाली पाहिजे, यासाठी श्री. आरेकर यांनी राष्ट्रवादी विद्यार्थी काँग्रेसचे कोकण विभागाचे अध्यक्ष श्री. किरण शिखरे यांच्याकडे राजीनामा सुपूर्त केला आहे. Arekar resigns as district president
राष्ट्रवादी विद्यार्थी काँग्रेच्या माध्यमातून गेली 9 ते 10 वर्षे श्री. साहिल आरेकर कार्यरत आहेत. सन २०१२ ते २०१४ त्यांनी गोगटे महाविद्यालय रत्नागिरी राष्ट्रवादी विद्यार्थी कॉलेज कमिटी अध्यक्ष, त्यांनतर २०१६ ला राष्ट्रवादी विद्यार्थी काँगेस रत्नागिरी जिल्हा उपाध्यक्ष, २०१८ पासून पाच वर्षे राष्ट्रवादी विद्यार्थी काँग्रेस रत्नागिरी जिल्हाध्यक्ष पदावर ते काम करत आहेत. गुहागरमध्ये आमदार श्री. भास्कर जाधव यांच्या सेना प्रवेशावेळी श्री. विक्रांत जाधव यांचे अत्यंत जवळचे सहकारी म्हणून श्री. साहिल आरेकर यांची ओळख असताना त्यांनी शिवसेना प्रवेश न करता राष्ट्रवादी काँग्रेस पक्षातच रहाण्याचा निर्णय घेतला. Arekar resigns as district president
अनेक वर्षे पक्षाच्या विद्यार्थी सेलचे प्रामाणिकपणे काम करण्याचा त्यांचा प्रयत्न राहिला आहे. त्यामुळे आता नवीन कार्यकर्त्यांना त्या सेलमध्ये आणि पदावर काम करण्याची संधी मिळाली पाहिजे, यासाठी श्री. आरेकर यांनी त्यांचा विद्यार्थी जिल्हाध्यक्ष पदाचा राजीनामा राष्ट्रवादी विद्यार्थी काँग्रेसचे कोकण विभागाचे अध्यक्ष श्री. किरण शिखरे यांच्याकडे सुपूर्त केला आहे. तसेच आपण नवीन कार्यकर्त्याला या पदावर काम करण्याची संधी द्यावी, अशी विनंती त्यांनी वरिष्ठांना केली आहे. Arekar resigns as district president
