नरवण ते जगन्नाथपुरी आशुतोष जोशीची पदयात्रा

प्रतिदिन 30 कि.मी. चालणार, नरवणवासीयांनी दिल्या शुभेच्छा

साभार : निलेश सुर्वे – तवसाळ

गुहागर, ता. 11 : रामनवमीच्या शुभ सकाळी गुहागर तालुक्यातील नरवण येथील आशुतोष जोशी याने नरवणच्या समुद्र किनारी सुर्याला नमस्कार करुन, कुटुंबातील आणि गावातील जेष्ठांचे आशिर्वाद घेऊन सकाळी ६.३० वाजता नरवण ते जगन्नाथ पुरी (ओरिसा) या आपल्या १८५०० किलोमीटरच्या पायी प्रवासाचा  शुभारंभ केला. Aashutosh will be Walking 18500 km

आशुतोष हा मुळचा गुहागर तालुक्यातील नरवण गावचा रहिवासी. आजोबा श्री जयंत काका जोशी हे गुहागर,चिपळुण अलिबाग अशा ठिकाणी महसूल विभागात काम करत तहसीलदार म्हणुन निवृत्त झालेले, वडील अजित जोशी लोटे एमआयडीसीमधील घरडा केमिकलमध्ये उच्च पदावर नोकरीला, आई गृहिणी, दुसरा भाऊ पुणे येथे शिक्षण घेत आहे. अशा उच्चशिक्षित कुटुंबात जन्मलेला. आशुतोषने आपले प्राथमिक, माध्यमिक शिक्षण चिपळुण तालुक्यातील गद्रे, ख्रिस्तज्योती, एसपीएम, डीबीजे या शिक्षण संस्थांमधून पूर्ण केले. यानंतर मॉडेल आॅफ आर्ट इन्स्टिट्यूट दादर येथे १ वर्ष तर भारती विद्यापीठ स्कुल ऑफ फोटोग्राफी पुणे येथे २ वर्षाचे शिक्षण घेतले. यानंतर त्याने इंग्लंड येथे व्हिज्युअल आर्ट्सची पदवी संपादन केली. Aashutosh will be Walking 18500 km

शिक्षण पूर्ण झाल्यानंतर फोटोग्राफी आणि निसर्ग संतुलन याबाबत तो स्कॉटलंड,स्पेन आणि इंग्लंडमध्ये काम करत आहे. आशुतोषला लहानपणापासुनच फोटोग्राफीची आणि प्रबोधनपर वैज्ञानिक लिखाणाची आवड. याव्यतिरिक्त त्याला गाणे गायला फार आवडते. स्पेन मधील प्रसिद्ध वाद्य युकुलेले हे वाजवण्यात तो पारंगत आहे. या सर्व गोष्टी बरोबर पायी प्रवास करणे आणि गिर्यारोहणाची त्याला मोठी आवड आहे. नेपाळमधील १८००० फुट उंची असणाऱ्या अन्नपूर्ण सर्किट हे शिखर त्याने १७ दिवसात पार केले आहे. Aashutosh will be Walking 18500 km

इंग्लंड,स्कॉटलंड, स्पेन या ठिकाणी काम करत फिरत असताना जगभरात पाण्याची होणारी टंचाई ,पृथ्वीवरचा पाण्याचा कमी होणारा साठा,नापीक होणारी जमीन, प्लॅस्टीकचा वाढता वापर-भविष्यातील त्याचे दुष्परीणाम,वारंवार समुद्रात निर्माण होणारे कमी दाबाचे पट्टे,वाढती उष्णता यामधुन शेतकऱ्यांमध्ये येणारे नैराश्य आणि या नैराश्यातून होणाऱ्या आत्महत्या याचे प्रमाण कमी करण्यासाठी विज्ञानाची कास धरून देशामध्ये विशेषकरून महाराष्ट्रामध्ये याबाबतची जनजागृती होणे, याबाबतचे प्रबोधन होणे हे भविष्यकाळाच्या दृष्टीने फारच महत्त्वाचे आहे. याकरता आपला काही ना काही तरी खारीचा वाटा असावा उद्देशाने आशुतोषने हा पायी प्रवासाचा मार्ग निवडला आहे. Aashutosh will be Walking 18500 km

मागील ६ ते ७ वर्ष पायी चालण्याची सवय असली तरी या  प्रवासाची पुर्वतयारी इंग्लंडवरून भारतात आल्यानंतर गेले सहा महिने आशुतोष करत आहे. त्याचबरोबरीने प्राणायाम,योगा,श्वसनाचे व्यायाम करत असल्याचे त्याने सांगीतले. याकरता त्याला भारतातुन व परदेशातुन त्याचे सहकारी मित्र फंड ही देणार असल्याचे आशुतोषने सांगितले. तर त्याचे काही सहकारी आणि सोशल मीडियाच्या माध्यमातून जोडलेले मित्रमंडळी या प्रवासात काहीजण काही तास तर काहीजण  एक-दोन दिवस त्याच्याबरोबर प्रवासही करणार असल्याचे त्यांने सांगितले. Aashutosh will be Walking 18500 km

प्रतिदिनी ३० किलोमीटरचा पायी प्रवास करण्याचे उद्दिष्ट डोळ्यासमोर ठेवुन रत्नागिरी जिल्ह्यातील गुहागर तालुक्यातील नरवण गावातुन सुरू झालेला हा प्रवास चिपळुण, कोयना, पाटण, उंब्रज,सोलापुर, पंढरपुर, लातुर, परभणी, अकोला, अमरावती,  नागपुर त्यानंतर छत्तीसगड राज्यातील रायपुर मार्गे ओरिसा राज्यातील जगन्नाथ पुरी येथे पुर्ण होणार आहे. Aashutosh will be Walking 18500 km

नरवणवासीयांनी केला सत्कार

मुळचा नरवण गावाचा सुपुत्र असणारा आशुतोष पाण्याची बचत, योग्य नियोजन, शेतकरी आत्महत्या या जागतिक दर्जाच्या विषयासंदर्भात प्रबोधन करण्यासाठी १८ हजार ५०० किलोमीटरचा प्रवास करणार ही गोष्ट आपल्या गावासाठी भुषणावह असल्याने नरवण ग्रामपंचायतीच्यावतीने त्याचा प्रवासापुर्वीच सत्कार करून त्याला शुभेच्छा देण्यात आल्या.

१० एप्रिल २०२२ रविवारी, रामनवमीच्या शुभ दिनी नरवण समुद्रकिनारी सकाळी ०६.३० वाजता आशुतोषला प्रवासाच्या शुभारंभी नरवण गावातील आणि पंचक्रोशीतील ग्रामस्थ  उपस्थित होते.  प्रवासात त्याचे मनोधैर्य टिकावे, प्रवास निर्विघ्नपणे यशस्वी व्हावा. यासाठी त्यांनी आशुतोषला शुभेच्छा आणि आशीर्वाद दिले. Aashutosh will be Walking 18500 km 

यावेळी आशुतोषचे आजोबा निवृत्त तहसीलदार जयंतकाका जोशी, आरडीसीसी बँकेचे संचालक डॉ.अनिल जोशी, नरवण गावचे सरपंच प्रवीण वेल्हाळ, शिवसेना युवासेना जिल्हाधिकारी सचिन जाधव, भाजपाचे तालुका अध्यक्ष नीलेश सुर्वे, नरवणचे माजी उपसरपंच  समीर देवकर, माजी सैनिक राजेश जाधव, प्रफुल जाधव, संजय आरेकर,सदानंद मयेकर, आपेश जाधव, अमोघ वैद्य, राहुल ओक, ओम जोशी,श्रीकांत जोशी आदी मान्यवर मंडळी यावेळी उपस्थित होती. Aashutosh will be Walking 18500 km

२५ वर्ष वयात युवक-युवतीना अनेक प्रलोभनांची भुरळ पडत असताना आशुतोषने १८५०० कीलोमिटरचा पायी प्रवास करत जनतेचे प्रबोधन करण्याच्या निश्चियाचे सर्व स्तरातुन कौतुक होत आहे. Aashutosh will be Walking 18500 km