एकतर्फी ३७ जागांवर विजय, संस्था पॅनेल पराभूत
रत्नागिरी : रत्नागिरी एज्युकेशन सोसायटीच्या (R. E. Society) पंचवार्षिक निवडणुकीमध्ये अरुअप्पा तथा नृसिंह पॅनेलने ( Nrusinha panel) विरोधी संस्था पॅनेलचा एकतर्फी धुव्वा उडवला. सोसायटीच्या इतिहासात प्रथमच एकाच पॅनेलने निर्भेळ यश संपादन करत विरोधकांना धूळ चारली आहे. अध्यक्षपदी केंद्रीय मंत्री श्रीपाद नाईक, कार्यवाह म्हणून सतीश शेवडे यांच्यासह नियामक मंडळ सदस्य, विश्वस्त आणि सल्लागार असे सर्वच्या सर्व ३७ उमेदवार विजयी झाले. Nrusinha panel won R. E. Society
सन २०२२ ते २०२७ या कालावधीसाठी सोसायटीच्या पंचवार्षिक निवडणुकीसाठी काल १०७२ पैकी ६७३ मतदारांनी हक्क बजावला होता. आज सकाळी संस्थेच्या सभागृहात मतमोजणीला सुरवात झाली. दुपारी २.३० वाजता मोजणी संपली. अध्यक्षांचा पहिला निकाल सकाळी साडेनऊ वाजण्याच्या दरम्यान जाहीर झाला. त्यानंतर उपाध्यक्ष, विश्र्वस्त, कार्यवाह, सहकार्यवाह, सल्लागार मंडळ सदस्य, नियामक मंडळ सदस्यांचे निकाल जाहीर करण्यात आले.
Nrusinha panel won R. E. Society
अरुअप्पा तथा नृसिंह पॅनेलमधील विजयी उमेदवार पुढील प्रमाणे. (कंसामध्ये मिळालेली मते)
अध्यक्ष : केंद्रीय मंत्री श्रीपाद नाईक (४५५)
कार्यवाह १ जागा- सतीश शेवडे (३८२)
सहकार्यवाह १ जागा- प्रा. श्रीकांत दुदगीकर (४८८).
उपाध्यक्ष ३ जागा- अॅड. विलास पाटणे (५००), डॉ. मुकुंद जोशी (४८८), अॅड. प्रदीप नेने (४६४).
विश्वस्त ३ जागा- रवींद्र तथा मुन्नाशेठ सुर्वे (४५०), लिलाधर जोशी (४३८), विवेक भावे (३५०).
सल्लागार मंडळ १० जागा- डॉ. श्रीराम केळकर (५३७), सीए वरदराज पंडित (५१५), डॉ. सुजय लेले (५१३), निनाद जोशी (५०७), दत्तात्रय तथा नाना शिंदे (५०१), भारत फडके (५०१), सौ. अनघा चितळे (४९१), उमेश आपटे (४७९), संतोष गुरव (४६०) आणि स्वप्नील सावंत (४५३).
नियामक मंडळ १८ जागा- अॅड. प्राची जोशी (४९८), डॉ. चंद्रशेखर केळकर (४७२), सीए मंदार गाडगीळ (४६५), राजेंद्र मलुष्टे (४६४), मनोज पाटणकर (४४८), डॉ. संजय केतकर (४४६), डॉ. कल्पना मेहता (४४३), हेमंत उर्फ विजय देसाई (४३८), सचिन वहाळकर (४३५), अॅड. विजय साखळकर (४२०), अॅड. अशोक कदम (४१८), सुहास पटवर्धन (४१६), शिल्पा पटवर्धन (४१४), आनंद देसाई (३९९), सीए उमेश लोवलेकर (३९१), अॅड. अविनाश तथा भाऊ शेट्ये (३९१), भरत ओसवाल (३८५) आणि महेश नवेले (३५९).
गुहागरच्या सुपुत्राचा विजय
रत्नागिरी एज्युकेशन सोसायटीच्या (Ratnagiri Eduction Society) निवडणुकीत चार्टर्ड अकौन्टंट मंदार गाडगीळ हे नृसिंह पॅनेल कडून नियामक मंडळ सदस्य पदासाठी निवडणुकीच्या रिंगणात होते. मंदार गाडगीळ गुहागरचे आहेत. त्यांचे प्राथमिक व माध्यमिक शिक्षण गुहागरमध्येच झाले. गुहागरमधील श्री देव कोपरी नारायण देवस्थानचे विश्र्वस्त म्हणूनही ते कार्यरत आहेत. त्यामुळे निकालाबाबत गुहागरमध्येही उत्सुकता होती. या पूर्वी सीए मंदार गाडगीळ यांनी रत्नागिरी एज्युकेशन सोसायटीमध्ये काम केले आहे. ते विजयी झाल्याचे समजताच गुहागरमधील अनेकांनी आनंद व्यक्त केला. सामाजिक माध्यमांमधुन मंदार गाडगीळ यांचे अभिनंदन करण्यात आले.
संस्था पॅनेल पराभूत
संस्था पॅनेलला रत्नागिरी एज्युकेशन सोसायटीच्या ( Ratnagiri Eduction Society ) एकाही जागेवर यश मिळवता आले नाही. या पॅनेलचे निर्माते रमेश कीर आणि सीए श्रीकांत वैद्य यांच्यासह संस्था पॅनेलला एकाही जागेवर विजय मिळवता आले नाही. संस्था पॅनेलमधील अनेक दिग्गजांना पराभवाचा सामना करावा लागला. यामध्ये रमेश कीर, सीए श्रीकांत वैद्य, सीए श्रीरंग वैद्य, नरेंद्र तथा नाना पाटील, कमलाकर (भाऊ) देसाई, मनोहर भिडे, उदय लोध, राजीव लिमये, मंदार सरपोतदार, प्रा. प्रभाकर केतकर आदींचा समावेश आहे.
नियामक मंडळाची सभा पुढील दोन दिवसांत होणार आहे. या सभमध्ये कार्याध्यक्षपदाची निवड करण्यात येईल. असे नृसिंह पॅनेलच्या वतीने सांगण्यात आले आहे. या निवडणुकीची प्रक्रिया निवडणूक निर्णय अधिकारी डॉ. मकरंद साखळकर यांच्या नेतृत्त्वामध्ये 60 प्राध्यापक आणि कर्मचारी यांनी पूर्ण केली.
