• गुहागर न्युज : डिजिटल न्युज माध्यम
  • संपर्क
13 July 2025, Sunday
Guhagar News
  • Guhagar
  • Ratnagiri
  • Maharashtra
  • Bharat
  • Politics
  • Sports
  • Travel
  • Health
No Result
View All Result
Guhagar News

संस्कारीत पिढीसाठी संस्कारवर्ग घेणाऱ्या सौ. सई ओक

by Mayuresh Patnakar
March 24, 2022
in Guhagar
118 1
0
Sanskar Varg For Children

खेळातून अंकाशी दोस्ती करायला लावणाऱ्या सौ. सई ओक

231
SHARES
661
VIEWS
Share on FacebookShare on Whatsapp

गुहागर, ता. 24 : खेळ, पाठांतर, गोष्ट सांगणे, गाणी म्हणणे, व्यायाम अशा छोट्या छोट्या कार्यक्रमांमधुन 5 ते 12 वयोगटातील 25 ते 30 मुलांना संस्कारीत करण्याचे काम गुहागरमधील सौ. सई अरुण ओक 3 वर्ष करीत आहे. खरे ढेरे भोसले महाविद्यालयातील प्राध्यापिक सौ. मिरा महाजन नित्यनेमाने या संस्कार वर्गात उपस्थित राहून सौ. ओक यांना साह्यभूत होत आहेत. या संस्कार वर्गामुळे मुले आनंदी आणि निरोगी रहात असल्याचे पालक आवर्जुन सांगतात. Sanskar Varg For children

कोरोना लाटेचा कालखंड सोडला तर गेली 3 वर्ष सौ. सई ओक आपल्या घराच्या अंगणात संस्कार वर्ग घेत आहेत. या संस्कार वर्गात सुरवातीला सुर्यनमस्कार, त्यानंतर पकडापकडी, भस्मासुर, लंगडी आदी मैदानी खेळ मुले खेळतात. त्यानंतर गोल बसुन स्मरणशक्ती वाढवणारे खेळ घेतले जातात. खेळून झाल्यावर मुले पाच सहा श्लोकांचे पठण करतात. आठवड्यातून एकदा कविता म्हणणे, गोष्ट सांगणे, छोटासा निबंध वाचून दाखविणे, नवीन श्लोक पाठ करणे. महिन्यातून एकदा चालत सहल असे कार्यक्रम या संस्कार वर्गात घेतले जातात. आठवड्यातील सर्व कार्यक्रमांमध्ये उत्साहाने सहभागी होणाऱ्या मुलाला फुलझाडाचे रोप बक्षिस दिले जाते. गोष्टीचे पुस्तक वाचायला देवून त्यातील गोष्ट मुलांनी सांगायची असते. Sanskar Varg For children

Sanskar Varg For Children
सौ. सई ओक

या संस्कार वर्गाविषयी सौ. सई ओक म्हणाल्या की, माझी आई निवृत्तीनंतर झोपडपट्टीतील मुलांना शिकविण्यासाठी रोज जात असे. तेव्हाच आपण असे काहीतरी करावे असे ठरवले होते. 58 व्या वर्षी चैताली मेडिकलचा व्यवसाय मुले आणि सुनांकडे सोपवून आम्ही निवृत्ती घेतली. घरामध्ये नातवंडे होती. त्यांच्यासाठी काही गोष्टी करताना संस्कार वर्ग चालविण्याची कल्पना सुचली. अंगणातच मुलांना व्यायाम करता यावा म्हणून काही साहित्य आणले आणि संस्कार वर्ग सुरु केला. या वर्गासाठी आम्ही कोणतीही फि आकारत नाही. Sanskar Varg For children

Sanskar Varg For Children
मुलांना संस्कृत सुभाषित शिकवताना प्रा. सौ. मिरा महाजन, सोबत सौ. सई ओक

Sanskar Varg For children

संस्कार वर्गामुळे मुलांचा हट्ट कमी झालाय. घरामध्ये मुले आनंदी असतात. आरोग्याच्या तक्रारी कमी झाल्या आहेत. आकलनशक्ती वाढली आहे. शब्दोच्चार स्पष्ट झालेत. चांगले वाईट ओळखण्याची समज त्यांच्यात आली आहे. असे अनेक बदल मुलांमध्ये दिसून येत आहेत. आम्हाला माहिती नसलेले श्लोक मुले शिकली आहेत. विशेष म्हणजे आमच्या मोबाईलवर गेम खेळण्याचे, व्हिडिओ पहाण्याचे प्रमाण खूप कमी झाले आहे.
– सौ. स्नेहा हेमंत बारटक्के, पालक

See our video also

Tags: GuhagarGuhagar NewsLatest Marathi NewsLatest NewsMarathi NewsNews in GuhagarSanskar Varg For Childrenटॉप न्युजताज्या बातम्यामराठी बातम्यालोकल न्युज
Share92SendTweet58
Mayuresh Patnakar

Mayuresh Patnakar

1996 पासून पत्रकारिता करणारे मयुरेश पाटणकर यांनी मास्टर्स इन जर्नालिझम (एम.जे.) ही पदवी घेतली आहे. दै. पुढारी, दै. सकाळ मध्ये बातमीदारी करतानाच त्यांनी साप्ताहिक विवेक, साप्ताहिक सकाळमध्येही लिखाण केले. चार वर्ष दै. सकाळचे उपसंपादक म्हणूनही ते कार्यरत होते. विविध विषयांवर लिखाण करण्याची त्यांची हातोटी सर्वांना परिचित आहे.

  • गुहागर न्युज : डिजिटल न्युज माध्यम
  • संपर्क

Copyright © 2020-2023 Guhagar News.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
No Result
View All Result
  • Guhagar
  • Ratnagiri
  • Maharashtra
  • Bharat
  • Politics
  • Sports
  • Travel
  • Health

Copyright © 2020-2023 Guhagar News.