लायन्स क्लब ऑफ गुहागर सिटी व एनवायएबी हॉस्पिटलचा उपक्रम
गुहागर, ता. 23 : लायन्स क्लब ऑफ गुहागर सिटी आणि एनवायएबी हॉस्पिटल, चिपळूण यांच्या संयुक्त विद्यमाने गुरुवार, दि. २२ ऑक्टोबर रोजी असगोली येथील लायन डॉ. शैलेश कनगुटकर यांच्या श्री होमिओपॅथिक क्लिनिकमध्ये मोफत नेत्रतपासणी शिबिर घेण्यात आले. या शिबिरात सुमारे ५० रुग्णांची नेत्रतपासणी करण्यात आली. त्यापैकी १५ रुग्णांवर मोतीबिंदू शस्त्रक्रिया करण्याचे निश्चित झाले असून, या शस्त्रक्रिया लायन्स क्लब ऑफ गुहागर सिटीच्या माध्यमातून मोफत करण्यात येणार आहेत. Eye Check-up Camp at Asgoli
गरजू रुग्ण आणि ज्येष्ठ नागरिकांना आर्थिक अडचणींमुळे नेत्रोपचारापासून वंचित राहावे लागू नये, या सामाजिक बांधिलकीतून शिबिराचे आयोजन करण्यात आले. रुग्णांनी शिबिराला उत्स्फूर्त प्रतिसाद दिला. या उपक्रमासाठी एनवायएबी हॉस्पिटलचे विकास अधिकारी संदीप नलावडे, सहायक रूपेश गुरव, हॉस्पिटलचे कर्मचारी आणि लायन्स क्लबच्या सदस्यांनी सहकार्य केले. Eye Check-up Camp at Asgoli
यावेळी लायन्स क्लब ऑफ गुहागर सिटीचे अध्यक्ष लायन मनीष खरे, खजिनदार लायन निखिल तांबट, चार्टर प्रेसिडेंट लायन श्यामकांत खातू, माजी अध्यक्ष लायन अनिकेत गोळे, उपाध्यक्ष लायन माधव ओक, लायन राहुल शिंदे, लायन शैलेन्द्र खातू आणि शिबिराचे यजमान लायन डॉ. शैलेश कनगुटकर उपस्थित होते. गुहागरचे नेत्रतज्ज्ञ डॉ. दिनेश जोशी यांच्या सहकार्याने शिबिर यशस्वी झाले. Eye Check-up Camp at Asgoli
