गुहागर, ता. 11 : लायन्स क्लब ऑफ गुहागर सिटीच्या वतीने रात्रीच्या वेळी रस्त्यावर बसणाऱ्या गुरांच्या सुरक्षिततेसाठी एक आगळावेगळा आणि समाजोपयोगी उपक्रम राबविण्यात आला. रात्रीच्या अंधारात रस्त्यावर बसलेल्या किंवा फिरणाऱ्या गुरांमुळे वाहनचालकांना गुरे स्पष्टपणे दिसत नाहीत आणि त्यामुळे अपघात होण्याची शक्यता वाढते. ही समस्या लक्षात घेऊन गुरांच्या गळ्यात Fluorescent Reflective Belts (प्रकाश परावर्तित करणारे पट्टे) लावण्यात आले. Lions Club’s initiative for road safety
या उपक्रमांतर्गत शृंगारतळी परिसरातील जवळपास १०० गुरांच्या गळ्यात हे बेल्ट लावण्यात आले. वाहनांच्या प्रकाशात हे पट्टे चमकत असल्याने रात्रीच्या वेळी गुरे वाहनचालकांना लांबूनच स्पष्टपणे दिसण्यास मदत होणार आहे. या उपक्रमासाठी गुहागर पोलीस ठाण्याचे पोलीस निरीक्षक श्री. अश्वनाथ खेडकर स्वतः उपस्थित राहून उपक्रमाला प्रोत्साहन दिले. तसेच लायन्स क्लब ऑफ गुहागर सिटीचे सर्व पदाधिकारी व सदस्य मोठ्या संख्येने उपस्थित होते. Lions Club’s initiative for road safety
