कोकणवासियांचा सामूहिक आरक्षणाला प्राधान्य; बसेसची संख्या आणखी वाढणार
चिपळूण, ता. 29 : गणेशोत्सवासाठी गावच्या दिशेने येणाऱ्या कोकणवासीयांची संख्या लक्षात घेता चिपळूण आगाराच्या वतीने जादा बसेसचे नियोजन केले आहे. त्यानुसार आतापर्यंत तब्बल १४५ बसेस या पूर्णतः फुल्ल झाल्या आहेत. कोकणवासियांनी जादा बसेसप्रमाणे ग्रुप बुकिंगलाही प्राधान्य दिले आहेत. जादा बसेसची संख्या आणखी वाढणार असून त्यासाठी आगारप्रशासन प्रयत्नशील आहे. Buses from Chiplun depot full for Ganeshotsav
गणेशोत्सव आणि कोकणवासीय यांचे अनोखे नाते असल्याने मुंबई, पुण्यातील कोकणवासीय गावच्या दिशेने दाखल होतात. लाडक्या बाप्पाची प्रतिष्ठापना झाल्यानंतर मनोभावे पूजा-आरत्या व त्यानंतर विसर्जन होताच दाखल झालेले कोकणवासीय पुन्हा परतीच्या प्रवासाला निघतात. या कालावधीत प्रवाशांची गैरसोय होऊ नये यासाठी चिपळूण आगाराच्या वतीने विशेष जादा बसेसचे नियोजन करण्यात आले आहे. गणेशोत्सवाची चाहूल लागताच चिपळूण आगाराच्या वतीने जादा एसटी बसेसच्या नियोजनाबाबत प्रशासनाची स्वतंत्र बैठक काही दिवसापूर्वी पार पडली. Buses from Chiplun depot full for Ganeshotsav
गावच्या दिशेने येणाऱ्या कोकणवासीयासाठी पहिल्या टप्प्यात ५० तर दुसऱ्या टप्प्यातील ५० अशा जवळपास १०० जादा बसेस आगाऊ बुकिंगसाठी नियोजित करण्यात आल्या होत्या. काही दिवसातच या सर्व बसेस पूर्ण झाल्या. प्रवाशांचा बस आरक्षणासाठी वाढता ओघ लक्षात घेता आतापर्यंत गणेशोत्सवासाठी जवळपास १४५ जादा बसेस पूर्णतः फुल्ल झाल्या आहेत. उपलब्धतेनुसार आगार प्रशासन आणखी जादा बसेस आगाऊ बुकिंगसाठी नियोजित करणार आहे. Buses from Chiplun depot full for Ganeshotsav
विशेष म्हणजे जादा बसेसप्रमाणे कोकणवासीयांनी ग्रुप बुकिंगला प्राध्यान्य दिले आहे. त्यानुसार जवळपास १६ बसेस या ग्रुप बुकिंगसाठी नियोजित झाल्या आहेत. यामुळेच गावागावातून कोकणवासीयाचा एकत्रित प्रवास होणार आहे. परतीच्या प्रवासावेळी कोकणवासीय प्रवाशांची गैरसोय होवू नये यावरही चिपळूण आगाराकडून विशेष भर देण्यात येणार आहे. यासाठी परतीच्या वाहतुकीच्या नियोजनाबाबतची बैठकही पार पडणार आहे. दरम्यान, ग्रुपला कोकवासीयांनी अधिकाधिक प्राध्यान्य द्यावे, असे आगार प्रशासनाकडून आवाहन करण्यात आले आहे. Buses from Chiplun depot full for Ganeshotsav
