धोपावेत मोफत नेत्रतपासणी शिबिर

१९ रुग्णांच्या मोफत मोतीबिंदू शस्त्रक्रिया यशस्वी

गुहागर, ता. 27 : तालु्क्यातील ग्रामपंचायत धोपावे यांच्या पुढाकारातून समता फाउंडेशन, भ. क. ल. वालावलकर रुग्णालय (डेरवण), प्राथमिक आरोग्य केंद्र चिखली व उपकेंद्र धोपावे यांच्या संयुक्त विद्यमाने सलग तिसऱ्या वर्षी मोफत नेत्र तपासणी शिबिराचे यशस्वी आयोजन करण्यात आले होते. Eye Check-up Camp at Dhopave

शिबिराला परिसरातील नागरिकांचा उत्स्फूर्त प्रतिसाद लाभला. तज्ज्ञ डॉक्टरांनी नागरिकांची नेत्र तपासणी करून आवश्यक मार्गदर्शन केले. तपासणीनंतर मोतीबिंदू असलेल्या १९ रुग्णांची निवड करण्यात आली. या सर्व रुग्णांच्या मोतीबिंदूच्या शस्त्रक्रिया भ. क. ल. वालावलकर रुग्णालय, डेरवण येथे पूर्णपणे मोफत करण्यात आल्या.

रुग्णांच्या ने-आण व्यवस्थेसह रुग्णालयातील निवास, भोजन आणि शस्त्रक्रियेनंतर आवश्यक काळा चष्माही विनामूल्य उपलब्ध करून देण्यात आला. या उपक्रमामुळे अनेक रुग्णांना पुन्हा स्पष्ट दृष्टी लाभली असून आर्थिकदृष्ट्या दुर्बल नागरिकांनाही दर्जेदार आरोग्यसेवेचा लाभ मिळाला. Eye Check-up Camp at Dhopave

सलग तिसऱ्या वर्षी ग्रामपंचायतीच्या माध्यमातून राबविण्यात आलेल्या या उपक्रमाचे ग्रामस्थांनी स्वागत करत आयोजक संस्थांचे आभार मानले. भविष्यातही अशाच लोकोपयोगी आरोग्य शिबिरांचे आयोजन व्हावे, अशी अपेक्षा ग्रामस्थांनी व्यक्त केली. Eye Check-up Camp at Dhopave