महा आवास अभियानात कोकण विभाग राज्यात प्रथम

मुंबई, ता. 22 : केंद्र व राज्य शासनाच्या अत्यंत महत्त्वाकांक्षी ‘महा आवास अभियान सन २०२३-२४’ अंतर्गत कोकण विभागाने उल्लेखनीय कामगिरी करत ‘प्रधानमंत्री आवास योजना-ग्रामीण’ मध्ये संपूर्ण महाराष्ट्रात प्रथम क्रमांक पटकावला आहे. तत्कालीन विभागीय आयुक्त डॉ. महेंद्र कल्याणकर यांच्या प्रभावी नेतृत्वामुळे, सूक्ष्म नियोजनामुळे आणि सातत्यपूर्ण पाठपुराव्यामुळे कोकण विभागाला हा बहुमान प्राप्त झाला आहे. Konkan first in Maha Awas Mission

सातारा येथील सैनिक स्कूलमध्ये आयोजित करण्यात आलेल्या भव्य राज्यस्तरीय लाभार्थी मेळावा व महा आवास अभियान पुरस्कार वितरण समारंभात हा पुरस्कार प्रदान करण्यात आला. कोकण विभागातील ग्रामीण भागाचा कायापालट करण्यासाठी तसेच गरजू लाभार्थ्यांना हक्काची घरे वेळेत उपलब्ध करून देण्यासाठी डॉ. महेंद्र कल्याणकर यांनी आपल्या कार्यकाळात प्रभावी अंमलबजावणी, नियमित आढावा आणि प्रशासनातील समन्वय यावर विशेष भर दिला होता. कल्याणकर यांच्या दूरदृष्टीपूर्ण नेतृत्वामुळे आणि संपूर्ण प्रशासकीय यंत्रणेच्या सांघिक प्रयत्नांमुळे कोकण विभागाने राज्यात्त अव्वल स्थान मिळवले आहे. ‘प्रधानमंत्री आवास योजना ग्रामीण’ अंतर्गत कोकण विभागाने मिळवलेल्या या यशाबद्दल सर्व स्तरांतून कौतुक व्यक्त होत असून ग्रामीण गृहनिर्माण क्षेत्रात कोकण विभागाने संपूर्ण राज्यासमोर एक आदर्श निर्माण केला असल्याची भावना व्यक्त केली जात आहे. Konkan first in Maha Awas Mission