चिपळूणमध्ये पतीवर गुन्हा दाखल
गुहागर, ता. 23 : बोलण्याच्या बहाण्याने पत्नीला माहेरातून घरी (सासरी) नेऊन तिच्यावर अमानुष मारहाण केल्याची घटना चिपळूणमधील काविळवाडी येथे घडली आहे. या प्रकरणी चिपळूण पोलिसांनी पतीविरुद्ध विविध कलमांन्वये गुन्हा दाखल केला आहे. Husband beat his wife
मिळालेल्या माहितीनुसार फिर्यादी निशात अजमल कडवडकर (वय ३३, रा. उकाडे, चिपळूण) या काही कारणास्तव सध्या आपल्या माहेरी राहत होत्या. सोमवारी रात्री सुमारे ९ वाजता आरोपी पती अजमल असलम कडवडकर हा उकाडे येथील त्यांच्या माहेरी गेला. “मला तुझ्याशी काही महत्त्वाचे बोलायचे आहे,” असे सांगून त्याने निशात यांना विश्वासात घेतले आणि काविळवाडी येथील ‘कोयना बिल्डिंग’मधील आपल्या घरी नेले. Husband beat his wife
दोघे घरी पोहोचल्यावर काही कारणावरून त्यांच्यात शाब्दिक वाद झाला. वादाचे रूपांतर लवकरच भांडणात झाले. रागाच्या भरात अजमलने पत्नीला हाताच्या थपडा मारत मारहाण केली व अश्लील शिवीगाळ केली. दरम्यान पीडित महिला घराबाहेर पडत असताना आरोपीने त्यांना जबरदस्तीने ओढून आणले. आणि त्यांच्या गालांवर आणि उजव्या हातावर चावा घेतला. या झटापटीत निशात यांच्या डाव्या डोळ्याखालीही दुखापत झाली. Husband beat his wife
या घटनेनंतर जखमी निशात कडवडकर यांनी तत्काळ चिपळूण पोलीस ठाण्यात तक्रार दिली. पोलिसांनी घटनेची गांभीर्याने दखल घेत आरोपी पती अजमल कडवडकर याच्याविरुद्ध भारतीय न्याय संहिता २०२३ अंतर्गत विविध कलमांन्वये गुन्हा नोंदवला आहे. Husband beat his wife
