माजी सभापती सुचिता वेल्हाळ यांचे निधन

पं. स. सभापती गौरव वेल्हाळ यांना मातृशोक

गुहागर, ता. 01 : तालुक्याच्या माजी सभापती श्रीमती सुचिता सुशील वेल्हाळ यांचे आज बुधवार दि. 1 एप्रिल रोजी सकाळी शृंगारतळी येथे निधन झाले आहे. त्यांची अंतयात्रा शृंगारतळी येथून त्यांच्या रहात्या घरातून शृंगारतळी स्मशानभूमी पर्यंत ठीक सायंकाळी ७ नंतर निघणार आहे. विद्यमान पंचायत समिती सदस्य श्री. गौरव सुशील वेल्हाळ यांच्या त्या मातोश्री आहेत. Suchita Velhal is No More

शृंगारतळी येथील सामाजिक कार्यकर्ते कै. सुशील अप्पा वेल्हाळ यांच्या पत्नी असलेल्या सुचिता वाहिनी या भारतीय जनता पक्षातर्फे सभापती झाल्या होत्या. नंतर त्यांनी राष्ट्रवादी काँग्रेसमध्ये प्रवेश केला. राष्ट्रवादी काँग्रेसच्या त्या महिला जिल्हाध्यक्षा होत्या. महिला वर्गात त्या विशेष लोकप्रिय होत्या. सुशील अप्पाच्या सामाजिक कार्यात त्यांचे मोठे योगदान होते. त्यांच्या निधनाने शृंगारतळीत शोक व्यक्त करण्यात येत आहे. Suchita Velhal is No More