महामार्गाच्या कामामुळे वाहतूक मार्गात बदल
गुहागर, ता. 28 : कराड ते चिपळूण १६६ ई राष्ट्रीय महामार्ग या महामार्गावर पाटण शहरातील धांडे पुलाची पुर्नबांधणी आणि बाजारपेठेतील क्रॉक्रीट रस्त्याचे काम सुरू आहे. त्यामुळे कराड, उंब्रज व्हाया पाटण मार्गे चिपळूण येणारा रस्ता पुढील 2 महिने वहातुकीसाठी बंद रहाणार आहे. यामुळे नागरीकांची तसेच वाहनचालकांची गैरसोय होवू नये म्हणून महामार्ग प्राधिकरणद्वारे पर्यायी मार्गांची माहिती प्रसिध्द केली आहे. चिपळूण कराड रस्त्यावर जागोजागी माहितीचे फलक प्रसिध्द करण्यात आले असून पोलीसही वाहनचालकांना सूचना देण्याचे काम करत आहे. Patan-Chiplun Road closed.
तुषार दोशी, सातारा पोलीस अधीक्षक यांच्या कार्यालयातून प्रसिध्द करण्यात आलेल्या अधिसुचनेनुसार महाराष्ट्र पोलीस अधिनियम १९५१ चे कलम ३४ अन्वये प्राप्त असलेल्या अधिकारान्वये पाटण शहरातून जाणारा कराड ते चिपळूण राष्ट्रीय महामार्ग क्र. १६६ ई वरील वाहतूक मार्गात बदल करुन वाहतूक व्यवस्था सुरळीत राहणेकरीता दि. २७ मार्च २०२६ चे ००.०१ ते २७ मे २०२६ चे २३.५९ वा. पर्यत खालील अधिसुचना पारित करीत केली आहे. Patan-Chiplun Road closed.
वाहतुक मार्गातील बदल
वाहतूक मार्गातील बदल खालीलप्रमाणे करण्यात आला आहे.
१. कराड व उंब्रज बाजुकडुन चिपळूणकडे जाणारी अवजड वाहतुक :- कराड व उंब्रज येथून सरळ राष्ट्रीय महामार्ग क्र. ०४ वरुन पाचवंड फाटा उंडाळे कोकरुड मलकापूर आंबा घाट संगमेश्वर वरुन चिपळूणकडे जाईल.
२. चिपळूणकडून कराड व उंब्रजकडे येणारी अवजड वाहतुक :- चिपळूणवरुन संगमेश्वर आंबा घाट मलकापूर, कोकरुड, उंडाळे, पाचवड फाटा राष्ट्रीय महामार्ग क्र. ०४ वरुन कराड, उंब्रज कडे जाईल.
३. कराड व उंब्रज बाजुकडुन चिपळूणकडे जाणारी सर्व हलकी वाहतुक :- कराड व उंब्रज येथुन नवारस्ता गव्हाणवाडी फाटा नेरळे गौंड येथुन कराड ते चिपळूण महार्गावरुन चिपळूणकडे जातील.
४. चिपळूणकडून कराड उंब्रजकडे येणारी सर्व हलकी वाहतूक :- चिपळूणकडून येणारी वाहतुक नेरळे गौंड, गव्हाणवाडी फाटा, नंवारस्ता मार्गे कराड व उंब्रजकडे जातील.
ही वाहतूक ज्या ज्या ठिकाणावरुन वळविण्यात आली आहे. त्या ठिकाणी पोलीस बंदोबस्त नेमण्यात आला आहे. वाहतूक मार्गात केलेल्या बदलांबाबत सर्व नागरीकांनी व वाहन चालकांनी नोंद घेवून पोलीस दलास सहकार्य करावे असे आवाहन भापोसे पोलीस अधीक्षक तुषार दोशी यांनी केले आहे. Patan-Chiplun Road closed.
