जिल्हातील सर्व जागा महायुती जिंकणार

गृहराज्यमंत्री योगेश कदम,  बाजारपेठेत मागितला मतांचा जोगवा

गुहागर, ता. 28 : रत्नागिरी जिल्ह्यात विधानसभा निवडणुकांपेक्षाही महायुतीसाठी चांगले वातावरण आहे. त्यामुळे जिल्ह्यातील नगर परिषद, नगरपंचायतीमधील सर्व जागा महायुती जिंकेल. असे प्रतिपादन गृहराज्यमंत्री योगेश कदम यांनी गुहागरमध्ये केले. यावेळी त्यांनी गुहागर बाजारपेठेत युतीच्या उमेदवाराचा प्रचार केला. Mahayuti will win all the seats in the district

गुरुवारी (ता. 27) सायंकाळी गृह राज्य मंत्री योगेश कदम गुहागरमध्ये आले होते. त्यांनी गुहागर शहरातील युतीच्या सर्व उमेदवारांचा आढावा घेतला. त्यानंतर बाजारपेठेत व्यापारी आणि अन्य नागरिकांची भेट घेतली. युतीच्या उमेदवारांच्या पाठीशी उभे राहण्याचे आवाहन मतदारांना केले. युतीच्या उमेदवारांना निवडून द्या त्यानंतर पुन्हा आपल्या भेटीसाठी येईन, असे आश्र्वासन यावेळी कदम यांनी मतदारांना दिले. Mahayuti will win all the seats in the district

याच दरम्यान त्यांनी पत्रकारांशी संवाद साधला. सिंधुदूर्गमधील भाजप व शिवसेनामधील वादावर बोलताना ते म्हणाले की, महायुती म्हणून सर्वांनी एकत्र काम करावे अशी अपेक्षा व्यक्त करण्यात आली आहे. मात्र या निवडणुका स्थानिकांच्या असल्यामुळे काही ठिकाणी मित्रपक्षच समोरासमोर ठाकले आहेत. अशावेळी एकमेकांवर आरोप न करता मैत्रीपूर्ण लढती व्हाव्यात अशी अपेक्षा होती. मात्र सिंधुदूर्गमध्ये जे काही चालले आहे याची माहिती मंत्री नितेश राणे आणि आमदार निलेश राणे यांनी आपल्या वरिष्ठांकडे कळविले असेल. त्यामुळे त्यामध्ये वरिष्ठ नेते योग्य तो निर्णय घेतील. जी काही रक्कम सापडली ती निवडणूक आयोगाने ताब्यात घेतलेली असल्याने त्याचा निर्णय निवडणूक आयोग घेईल.  Mahayuti will win all the seats in the district

खेड नगरपरिषदेमधील उबाठा शिवसेनेच्या उमेदवाराने माघार घेतल्यामुळे महायुती दादागिरी करत असल्याचा आरोप झाला आहे. त्यावर बोलताना योगेश कदम म्हणाले की, मुळात उबाठा शिवसेनेला खेडमध्ये उमेदवार मिळत नव्हते. त्यामुळे त्यांनी खेड शहरातील उबाठा शिवसेनेच्या ताब्यात असलेल्या पतसंस्थेमधील कर्जदारांवर उमेदवारीसाठी दबाव टाकला होता. आणि उमेदवारी दिली होती. अशा जोर जबरदस्तीने उमेदवारी अर्ज भरलेल्यांपैकी ज्या उमेदवाराने माघार घेतली त्या प्रभागात महायुतीची ताकद आहे. तेथे दिसणारा पराभव लक्षात घेवून संबंधित उमेदवाराने माघार घेतली असेल. आम्ही महायुती म्हणून लढत असल्याने खेड नगरपरिषद आम्ही जिंकणार ही वस्तुस्थिती आहे. म्हणून अशाप्रकारचे आरोप करुन महायुतीला बदनाम केले जात आहे. Mahayuti will win all the seats in the district