जामसुत हायस्कूलमध्ये शैक्षणिक साहित्य वाटप

गुहागर, ता. 26 : तालुक्यातील जामसुत येथील सरस्वती विद्यामंदिर, प्रशालेमध्ये शनिवार दि. 22 नोव्हेंबर रोजी युवर बिलीफ फाउंडेशन बोरिवली, मुंबई यांचेकडून चार सीसीटीव्ही कॅमेरे, संगणक, प्रयोगशाळा साहित्याचे वाटप करण्यात आले. कार्यक्रमाच्या अध्यक्षस्थानी सर्वोदय शिक्षण मंडळ, मुंबई या संस्थेचे अध्यक्ष आदरणीय श्री संतोषजी साळवी होते. Educational material distribution at Jamasut School

कार्यक्रमाची सुरुवात ईशस्तवन आणि स्वागत पद्याने झाली. या कार्यक्रमाचे प्रास्ताविक विद्यालयाच्या मुख्याध्यापिका सौ. डाकवे मॅडम यांनी केले. त्यानंतर युवर बिलीफ फाउंडेशनचे बोडके सर, गावडे सर, निलेश सर तसेच सुरज घडशी इत्यादींचा व इतर उपस्थित सर्व मान्यवरांचा विद्यालयाच्या वतीने यथोचित सत्कार करण्यात आला. Educational material distribution at Jamasut School

आपल्या मनोगतात श्री लाड यांनी संस्थेच्या कार्याचा आपल्या ओघवत्या शैलीमध्ये आढावा घेतला आणि युवर बिलिफ फाउंडेशनने केलेली मदत विद्यार्थ्यांच्या दृष्टीने अत्यंत मौलिक असल्याचे सांगितले. सुर्वे मॅडम यांनीही युवर बेली फाउंडेशनच्या कार्याला शुभेच्छा दिल्या. यावेळी युवरफाउंडेशनच्या सदस्यांनी आपली मनोगते व्यक्त केली. संस्थेचे अध्यक्ष श्री संतोषजी साळवी साहेब यांनी युवर बिलीफ फाउंडेशनची मदत विद्यार्थ्यांच्या आयुष्याला योग्य दिशा देणारे असून त्यांनी समाजासमोर एक आदर्श निर्माण केल्याचे आवर्जून सांगितले. युवर बिली फाउंडेशनच्या सर्व सदस्यांचे आणि त्यांच्या कार्याचे तोंड भरून कौतुक केले. Educational material distribution at Jamasut School

या कार्यक्रमाला संस्थेचे खजिनदार सुरेश साळवी, संस्थेचे संचालक किशोर साळवी, अनंत सुर्वे, सरपंच शैलेश साळवी, शिवाजी साळवी, केंद्रप्रमुख देवळेकर उपस्थित होते. कार्यक्रमाच्या यशस्वीतेसाठी  श्री सुर्वे व अरवलकर मॅडम यांचे बरोबरच मुख्याध्यापिका डाकवे मॅडम, कदम, लाड, दोलतडे, माणगावकर, झगडे मॅडम, कर्मचारी कुंभार या सर्वांचे मोलाचे सहकार्य लाभले. कार्यक्रमाचे सूत्रसंचालन श्री कदम आणि आभार श्री दोलतडे यांनी मानले. Educational material distribution at Jamasut School