बौद्धजन नागरी सह. पतसंस्थेचा वर्धापन दिनी

गुहागर, ता. 13 : बौद्धजन मागासवर्गीय नागरी सहकारी पतसंस्था मर्या. गुहागर या पतसंस्थेचा प्रथम वर्धापनदिन व पतसंस्थेचा विशेषांक प्रकाशन सोहळा अश्या संयुक्त कार्यक्रमाचे आयोजन करण्यात आले आहे. रविवार दि. १७ ऑगस्ट २०२५ रोजी सकाळी १०:३० वाजता पतसंस्थेचे अध्यक्ष काशिराम जाधव यांच्या अध्यक्षतेखाली गुहागर बाजार हॉल (संत तुकाराम महाराज सभागृह) पेट्रोल पंपासमोर, शृंगारतळी येथे संपन्न होणार आहे. Anniversary of Buddhjan Credit Institution

या कार्यक्रमासाठी दि कराड अर्बन को-ऑप. बँक लि. कराड, सेवक प्रशिक्षण संशोधन केंद्र, विद्यानगर, कराडचे प्रा. अजित शिंदे हे प्रमुख वक्ते म्हणून उपस्थित राहणार असून ते संचालक / सभासद यांचे हक्क, कर्तव्य आणि जबाबदारी व सहकारी कायद्यातील तरतुदी, आर्थिक पत्रकांचे विश्लेषण आणि एन. पी. ए. व्यवस्थापन या विषयावर मार्गदर्शन करणार आहेत. Anniversary of Buddhjan Credit Institution