चिपळूणात डाँक्टरच्या मुलाची गळफास घेत आत्महत्या

गुहागर, ता. 30 :  चिपळूण येथील उच्चशिक्षण घेत असलेल्या युवकाने शौचालयात गळफास लावून आत्महत्या केल्याने खळबळ उडाली आहे. ओवेस जुलफीकार मुल्ला असे २२ वर्षीय मयत युवकाचे नाव आहे. मात्र आत्महत्या करण्यामागील नेमकं कारण अद्यापही समोर आलेले नाही. ओवेसने टोकाचं पाऊल उचलल्याने सर्वत्र हळहळ व्यक्त केली जात आहे. Suicide of doctor’s son in Chiplun

ओवेसचे वडील डॉ. जुलफीकार जमीर मुल्ला हे चिपळूणमध्ये वैद्यकीय व्यवसाय करतात. सकाळी सुमारे दहा वाजण्याच्या सुमारास ओवेस घरातील शौचालयात गेला, मात्र तो खूप वेळ झाला तरी बाहेर आला नव्हता त्यामुळे कुटुंब चिंतेत पडले. अखेर दरवाजा तोडून आत पाहिल्यावर ओवेसने लोखंडी ग्रीलला बेडशीटच्या सहाय्याने गळफास घेतल्याचा धक्कादायक प्रकार समोर आला. Suicide of doctor’s son in Chiplun

या सगळ्याची माहिती तात्काळ चिपळूण पोलिसांना देण्यात आली. पोलिसांनी तात्काळ घटनास्थळी धाव घेत पंचनामा केला. आकस्मिक मृत्यू म्हणून चिपळूण पोलीस ठाण्यात या घटनेची नोंद करण्यात आली आहे. हा सगळा प्रकार मंगळवारी सकाळच्या सुमारास चिपळूण शहरात घडला अशी माहिती चिपळूण पोलिसांनी दिली आहे. ओवेस हा फार्मसीचे शिक्षण घेत होता. उच्च शिक्षण घेत असताना सगळे व्यवस्थित सुरू असतानाही त्याने नेमके कोणत्या कारणाने हे टोकाचे पाऊल उचलले हे अद्याप समजू शकलेलं नाही. ओवेसच्या मृत्यूमुळे चिपळूण शहर परिसरातून हळहळ व्यक्त केली जात आहे. त्याच्या मृत्यूने कुटुंबावरही दुःखाचा मोठा डोंगर कोसळला आहे. चिपळूण पोलीस ठाण्याचे पोलीस निरीक्षक श्री. नेमाडे यांच्या मार्गदर्शनाखाली या आत्महत्या प्रकरणाच्या पुढील तपास चिपळूण पोलिस हेड कॉन्स्टेबल विनोद आंबेरकर करीत आहेत. Suicide of doctor’s son in Chiplun