गुहागर, ता. 17 : जिल्हा परिषद पूर्ण प्राथमिक आदर्श मराठी शाळा वेलदुर नवानगर मराठी शाळेमध्ये शाळा प्रवेशोत्सव व नवागतांचे स्वागत लेझीम व बँड पथकाच्या तालावर उत्साह पूर्ण वातावरणामध्ये करण्यात आले. शाळेत प्रवेश करता क्षणीच पुष्पवर्षाव करण्यात आला. तसेच शाळा व्यवस्थापन समिती व सुहासिनींद्वारे त्यांचे औक्षण करण्यात आले. Welcoming Newcomers to Veldur Navanagar School
सर्व विद्यार्थ्यांना पाठ्यपुस्तक व गणवेश यांचे वाटप करण्यात आले. श्री शंकर कोळथळकर, मारुती रोहीलकर, मनोज पाटील, सुषमा गायकवाड, सुरक्षा रोहीलकर यांनी मार्गदर्शन केले. अध्यक्ष आरोही रोहीलकर यांनी वेलदूर नवानगर मराठी शाळेमध्ये नवागतांचे स्वागत अत्यंत नाविन्यपूर्ण व आगळ्यावेगळ्या रीतीने जल्लोषपूर्ण वातावरणात करण्यात आले आहे. बहुसंख्येने उपस्थित राहिल्याबद्दल ग्रामस्थांना त्यांनी धन्यवाद दिले. जिल्हा परिषद शाळेमध्ये गुणवत्तापूर्ण शिक्षण दिले जात असून शासनाच्या विविध योजना विद्यार्थ्यांकरता राबवल्या जात आहेत .वेलदूर नवनगर मराठी शाळा ही उपक्रमशील शाळा असून सदर शाळेमध्ये बाला इव्हेंट स्कूल, वर्चुअल क्लासरूम, शैक्षणिक उठाव यासारखे वरदान ठरणारी योजना राबवून शाळेचे कायापालट करण्यात आले आहे. पालकांच्या सहकार्यामुळे शाळेची वरदान नांदेड, जळगाव मुंबई, वर्धा, कोल्हापूर या पाच ठिकाणी राज्यस्तरीय शिक्षणाची वारी या माध्यमातून राज्यस्तरावर निवड झाली असून शाळेने गुणवत्ता च्या क्षेत्रामध्ये उत्तुंग झेप घेतली आहे. Welcoming Newcomers to Veldur Navanagar School
यावेळी पंचायत समिती गुहागर केंद्र अंजनवेलच्या केंद्रप्रमुख आरोही शिगवण, वेलदूर ग्रामपंचायतीचे तंटामुक्त समितीचे अध्यक्ष शिक्षण तज्ञ शंकर कोळथरकर, ग्रामपंचायत सदस्य मारुती रोहीलकर, शाळा व्यवस्थापन समितीच्या अध्यक्षा शिल्पाताई कोळथरकर, मुख्याध्यापक मनोज पाटील, शाळा व्यवस्थापन समितीच्या पदाधिकारी सुरक्षा रोहीलकर, अंगणवाडी सेविका मत्स्यगंधा कोळथरकर, सामाजिक कार्यकर्ते महेश जांभरकर, श्रीराम महिला मंडळाच्या पदाधिकारी व शाळा व्यवस्थापन समिती सदस्य प्रियाताई रोहीलकर, सदस्या अंकिता ताई कोळथरकर, अंजली मुद्दमवार, धन्वंतरी मोरे, सुषमा गायकवाड, अफसाना मुल्ला, सर्व शाळा व्यवस्थापन समिती सदस्य, शिक्षक पालक संघ, माता पालक संघ, पालक, ग्रामस्थ, विद्यार्थी बहुसंख्येने उपस्थित होते. संपूर्ण कार्यक्रमाचे सूत्रसंचालन अंजली मुद्दमवार व आभार प्रदर्शन धन्वंतरी मोरे यांनी केले. Welcoming Newcomers to Veldur Navanagar School
