गुहागर भाजपतर्फे विविध उपक्रम
गुहागर, ता. 23 : महाराष्ट्र राज्याचे उपमुख्यमंत्री देवेंद्र फडणवीस (Devendra Fadnavis Birthday) यांच्या वाढदिवसानिमित्त गुहागर तालुका भाजपच्या कार्यकर्त्यांनी विविध उपक्रम राबवून हा सेवा दिन साजरा केला.
रायगड येथील घडलेल्या दुर्घटनेमुळे कार्यकर्त्यांनी कोणतेही वाढदिवसाचे बॅनर लाऊ नये. वाढदिवसाचे स्वतंत्र कार्यक्रम न करता सेवा दिन म्हणून आपल्या नेत्याचा वाढदिवस साजरा करावा. अशा सूचना भाजप प्रदेशच्या वतीने देण्यात आल्या होत्या.
Devendra Fadnavis Birthday
उपमुख्यमंत्री देवेंद्र फडणवीस यांच्या वाढदिवसानिमित्त ग्रामीण रूग्णालय गुहागर, शृंगारतळी येथील डॉ सचिन ओक यांचे हॉस्पिटल, डॉ. राजेंद्र पवार यांच्या रूग्णालयात रूग्णांना बिस्कीट पुडे देण्यात आले. तसेच कोतळूक आरोग्य उपकेंद्रात भाजपा गुहागर तालुका सरचिटणीस, कोतळूक ग्रामपंचायत सदस्य सचिन ओक यांनी वाफेचे मशीन भेट दिली. ठिकठिकाणी कार्यकर्त्यांनी छत्री वाटप केले. भाजपा गुहागर तालुका वतीने हा ठिकठिकाणी सेवा दिन साजरा करताना भाजपा गुहागर तालुकाध्यक्ष निलेश सुर्वे, सरचिटणीस सचिन ओक, उपाध्यक्ष मंगेश रांगळे, रूपेश विचारे, कोतळूक शक्तीकेंद्र प्रमुख सुनिल भेकरे, ग्रामपंचायत सदस्य सचिन भेकरे, दिपक मोरे,सुनिल आगिवले, आदींसह भाजपा पदाधिकारी, कार्यकर्ते, हितचिंतक उपस्थित होते. Devendra Fadnavis Birthday
गुहागर शहरातही कार्यक्रम
गुहागर शहर भारतीय जनता पक्षाच्या वतीने गुहागर ग्रामीण रुग्णालयातील रुग्णांना फळ वाटप कार्यक्रम करण्यात आले. यावेळी शहरअध्यक्ष श्री.संगमजी मोरे भाजप शहर चे गटनेते श्री.उमेशजी भोसले शहर सचिव श्री. संतोषजी सांगळे माजी नगरसेवक श्री .गजानन वेल्हाळ माजी नगरसेवक समीर घाणेकर भाजप युवा मोर्चाचे शहर अध्यक्ष श्री.मंदारजी पालशेतकर महिला शहराध्यक्ष नेहाताई वराडकर श्री. मुरलीधर गोयथळे तसेच वैद्यकीय अधिकारी आणि परिचारिका उपस्थित होते. Devendra Fadnavis Birthday
