विसापूर शाळेच्या अमृत महोत्सव

गुहागर, ता. 21 : तालुक्यातील विसापूर गावातील जिल्हा परिषद पूर्ण प्राथमिक आदर्श शाळेला 23 नोव्हेंबर 2022 रोजी 75 पूर्ण होत आहेत. या निमित्ताने शाळेचा अमृत महोत्सव दिवस मोठ्या उत्साहात साजरा करण्यात येणार आहे.Visapur School Amrit Mahotsav

गुहागर, ता. 21 : तालुक्यातील विसापूर गावातील जिल्हा परिषद पूर्ण प्राथमिक आदर्श शाळेचा अमृत महोत्सवी दिवसानिमित्त 23 नोव्हेंबरला सकाळी 11.00 सभेचे आयोजन करण्यात आले आहे. दुपारी 3 ते 5 मनोरंजनात्मक खेळ आणि रात्रौ. 8.00 वा. विद्यार्थ्यांचे विविध गुणदर्शन आणि समोरोप असे कार्यक्रमांचे नियोजन करण्यात आले आहे. Visapur School Amrit Mahotsav

गेल्या 75 वर्षात हजारो विद्यार्थी या शाळेतून विद्यार्जन करुन पुढील शिक्षणासाठी, उदरनिर्वाहासाठी परगांवी गेले. जीवन शिक्षणांचे प्राथमिक संस्कार या शाळेने दिले. या संस्कारांच्या बळावर अनेक विद्यार्थी, विद्यार्थीनींनी आपले जीवन सुखकर केले. या शाळेच्या अनेक आठवणी या विद्यार्थ्यांच्या मनात आजही जाग्या आहेत. शाळेच्या अमृत महोत्सवी दिनानिमित्त या शाळेविषयी कृतज्ञता व्यक्त करावी. बालपणातील आपल्या आठवणींना उजाळा मिळावा. यासाठी अमृत महोत्सवी दिनाचे आयोजन करण्यात आले आहे. तरी या शाळेतून शिकून गेलेल्या सर्व विद्यार्थ्यांनी अमृत महोत्सवी कार्यक्रमाला उपस्थित रहावे असे आवाहन अमृत महोत्सव कमिटीचे अध्यक्ष धोंडू बेंडल आणि शाळा व्यवस्थापन समितीचे अध्यक्ष मंगेश पडवळ यांनी केले आहे. Visapur School Amrit Mahotsav