करंजा बंदरातील बोटीवर आहे कामाला
गुहागर, ता. 9 : रायगड जिल्ह्यातील उरण तालुक्यातील करंजा येथे बोटीवर खलाशी म्हणून काम करणारा 25 वर्षीय युवक बेपत्ता आहे. या युवकाचे नाव ऋतुराज काशिनाथ पावसकर आहे. ऋतुराज मूळचा गुहागर तालुक्यातील वेळणेश्वर येथील रहिवासी आहे. तो बेपत्ता असल्याची नोंद उरण पोलीस ठाण्यात करण्यात आली आहे. Youth missing
ऋतुराज काशिनाथ पावसकर हा वेळणेश्र्वरचा तरुण मूकबधिर आहे. तो उरण तालुक्यातील करंजा गावातील विलास कोळी यांच्या बोटीवर खलाशी म्हणून कामाला आहे. 29 ऑक्टोबर रोजी पहाटे पाच वाजता तो करंजा गावातूनच निघून गेला. विलास कोळी आणि अन्य ग्रामस्थांनी त्याचा शोध घेतला मात्र तो सापडला नाही. त्यामुळे ऋतुराज काम करत असलेल्या बोटीवरील तांडेल तांडेल तुषार पालशेतकर यांनी उरण पोलीस ठाण्यामध्ये तो बेपत्ता झाल्याची फिर्याद दाखल केली आहे. उरण पोलीस त्यांचा शोध घेत आहेत. Youth missing
ऋतुराज काशिनाथ पावसकर वेळणेश्र्वरमधील असल्याने या गावाचे सरपंच चैतन्य धोपावकर आणि त्याच्या सहकाऱ्यांनी देखील विविध ठिकाणी संपर्क साधून ऋतुराज बेपत्ता असल्याचे कळविले आहे. सदर तरुण कोठे मिळून आल्यास 9326705960, 8879296030, 7350686951 या मोबाईल नंबर वर संपर्क साधावा असे आवाहन त्यांनी केले आहे Youth missing
